الثلاثاء، ١٩ ديسمبر ٢٠٠٦

: ) حاجة بحبها

مارسيل خليفة

حيث انى دلوقتى فى فترة إمتحانات
و حيث إنى أعانى من حالة توقف فى الأفكار و كل ما يستدعى تشغيل المخ نتيجة حفظ المناهج بتاعتنا دى
و حيث إن عزائى الوحيد عن المذاكرة هى الموسيقى
لذلك
قررت انى اكلمكم شوية عن بطل اساطيرى و عالمى الخاص
الأسطورة المبدع دائما
مارسيل خليفة

و لمن لا يعلم من هو مارسيل خليفة
اقولكوا انا


مارسيل خليفة
(ولد عام 1950 في بلدة في جبل لبنان ) مؤلف موسيقي ومغني وعازف عود لبنانى . يعتبر مارسيل أحد أهم الفنانين العرب الملتزمين بقضية فلسطين ,عرف مارسيل دوما بأغانيه التي تأخذ الطابع الوطني، وبأسلوب دمجه بين الموسيقى العربية والآلات الغربية كالبيانو. اعتقل على يد الاحتلال و تعرض للتعذيب .

خلال أواخر السبعينات و الثمانينات لحن مارسيل أولا قصائد الشاعر الفلسطيني محمد درويش مطلقا ظاهرة غناء القصيدة الوطنية الفلسطينية التي تمتزج فيها صورة المرأة الحبيبة بالأرض و الوطن أو الأم و الوطن معا , كانت البدايات مع : "ريتا و البندقية" و "وعود من العاصفة"

في المرحلة الثانية (من التسعينات إلى الان) بدأ مارسيل يميل أكثر للتلحين الموسيقي البحت دون الغناء فكانت بداية مشاريعه الموسيقية التي بدأها بمعزوفة "جدل"


ده بعض ما كتب عن مارسيل على الويكيبيديا
اما بالنسبالى انا
تعرفت على الفنان ده من أغنية "منتصب القامة"
اغنية جميلة جدا و معبرة
و من اكثر اعماله اللى بحبها
- مقطوعة قانون
- اغنية العائد
- اغنية الجسر
- مجموعة جدل (اربع قطع موسيقية)
- العاديات
- الرحيل
- رقصة الكاهنات
- زفة العروس (الجزء الثانى)
و أغانى كتيييييييير تانية

لمن يرغب فى تحميل اكبر قدر من اغانى و موسيقى مارسيل
عليكوا و على http://arabic.salmiya.net/songs/marcel/

اتمنى مكنش طولت عليكوا
حبيت بس اقدملكوا بعض من الموسيقى اللى بحبها

ادعولى بقى عشان اخلص امتحانات على خير
سلااااااااااااام جميعا

هناك ٤ تعليقات:

Amr Ahmed يقول...

نادين

ازيك يا نادين ايه الاخبار

عاملة ايه في الامتحانات

ربنا معاكي

انتي تقريبا بدأتي


ابقي طمنينا

islamz يقول...

ربنا معاكى يا ناديين . .. ذاكرى كويس واعملى اللى عليكى وربنا هيوفقك ان شاء الله .. تصدقى بالله انك انتى اللى خليتينى اسمع مارسيل خليفة وفعلا بدات اتشد ليه
فعلا فيه حاجة مختلفة ايه هى مش عارف لحد دلوقتى بس اكيد هعرف :]

انتى بتسمعى عمر خيرت ولا لأ .. بجد لازم تسمعي موسيقي عمر خيرت هتحبيها جدا ..

تحياااتى ...


-------

بره الموضوع : ازيك يا عمووور واحشنى يا راجل .. معلش يا نادين اصلي بقالى كتير مشفتوش :]


سلاااااااامز

Nadine Alfred يقول...

عمرررررررررررر

ازيك
شكلك بقيت احسن دلوقتى
اتمنى يعنى
انا هبتدى امتحانات على 28\12 بإذن الله
يلا

كييب إن تتش :)
سلام يا باشا

Nadine Alfred يقول...

islamz

اى خدمة يا سيدى
اتمنى تكون أغانيه عجبتك زى ما عجبتنى
اما بالنسبة لعمر خيرت
فده اول من خلانى احب الموسيقى
الراجل ده بجد فنان قوى جدا
انا بسببه كنت باخد دروس فى الموسيقى
و كل واحد فيهم مميز
إن كان مارسيل او عمر خيرت

اما بقى بالنسبة للسلام على عمور
يا أهلا وسهلا بيك انت و عمر
بجد انتوا شخصيات حلوة قوى و انا مبسوطة انى اتعرفت عليكوا
يا باشا انت و عمر تشرفوا فى أى وقت

يلا سلام