الاثنين، ٢٢ يناير ٢٠٠٧

وحدة فى الزحام

لطالما احب منظر السوق ساعة الظهيرة
و هو ملئ بالنساء من كل لون و شكل
لا يهمه ما يفعلن, فقط يطمئنه مجرد رؤيتهن
يسير كالتائه الهائم وسط الزحام
يبحث بينهن و يفتش فى وجوههن
عمن يجد فى عينيها عطف و حنان يحتويانه
ينسيانه حاله
سنه الصغيرة لم تسمح له بمعرفة لفظ "اليتيم
لكنه مبكرا عاش معانيها
يجزم انه لم تكن له ام من قبل, و له الحق, فهو لم يرها و لا يتذكرها بل لم يعرفها
لذا
فهو يعتقد انه دون البشر جميعا, ولد من الأرض
او هكذا يقول للأطفال من نفس سنه
فالأرض هى الحضن الوحيد الذى استقبله
و هو بزيارته للسوق, يتمنى ان يكون كباقى البشر
لديه من تحضنه, تقبله, و تعطيه الحلوى
فقط
ليس اكثر من ذلك
و لكن
ليس فى السوق من يلتفت اليه
فضئالة جسمه و نحافته يجعلان من السهل تفاديه
بل يجعل من الصعب رؤيته احيانا وسط الزحام
كما ان كل سيدة جاءت للسوق, لديها قائمة من المهام لا تحيد عنها
و ما غير ذلك فهو لا يعنيها
----
و لا يمل الصغير
فيعيد الكرة مرة بعد مرة
و يذهب
كل يوم فى رحلة امل جديدة الى السوق
و يجد سوقه خالية بالرغم من الأجساد المتلاصقة فى زحام شديد
و يعود
إلى الأرض, امه التى عرفها
يزيح الحصيرة و يلقى بنفسه على التراب
كأنما لا يريد ان يفصله عنها شئ
ينكمش كأنما يحضن نفسه
او كأنما يستشعر حضنها
و يحاول ان ينسى همومه
بالهروب الى نوم عميق
و حلم بمن يضمه و يحتويه
حلم بأم فى يوم ما

هناك ١٩ تعليقًا:

Amr Ahmed يقول...

وكمان مرة
اول تعليق

بس حلوة والله

بس ليه الحزن ده
دانتي طالعة من امتحانات
انتي هاتطلعيه علينا ولا ايه

اجازة سعيدة

Nadine Alfred يقول...

عمرررر

مش بقولك دايما سابق بخطوة

عموما انا مبسوطة انك اول واحد يكتب تعليق

و اتمنى تقولى رأيك ايه فى البوست ده

فعلا انا كتبتها وقت ما كنت بمتحن
باين عليها انها جو حزن بتاع الإمتحانات

basma saghir يقول...

تعرفي يانادين اني مش بطيق احساس الوحدة او اليتم
وانتي صورتيه بواقعية شديدة جدا
قد ايه احساس استجداء الحب والعطف احساس قاسي ليتيم او لغير اليتيم
بس هو مع اليتم بيكون متعاظم شوية
او كتيييير
العود احمد يانادوووو
وحمدلله على السلامة

Unknown يقول...

قمه الروعه والاحساس و النضج

بجد اذهلتينى و خصوصاً الجزء الاخير الملئ بالعاطفه و الحركه التأثيريه الرائعه المعبره

اهنيك يا صديقتى يا من استطعت فعلاً شرح كلمه يتيم
تحياتى
واحد اعجب جداً باحساسك

يا قلبي يا غريب يقول...

يقول النبي صلي الله عليه و سلم من اراد ان يلين له قلبه و يقضي الله حوائجه فليمسح علي راس يتيم...كلامك طيب و كتير يحرك العاطفه..سلامي اليكي

Nadine Alfred يقول...

بيسو

انا بس كنت بحاول اقول
ان المشاعر لا تشترى
و ان عشان الواحد يوصل لدرجة انه يدور على حد يحبه...ده صعب قوى

و اليتيم ليس فقط من فقد اهله
بل كل من لم يجد قلب يحبه
و صدر يحتضنه
اذن تسمعه

الحاجات دى هى اللى بتعمل حياة
و اسرة و معنى و روح

مبسوطة قوى بتعليقك يا بسبوسة
--------
why me

مش عارفة ارد اقول ايه على كلامك الحلو
حسستنى انى حاجة كبيرة قوى
و انا فى الواقع يا دوب على قدى

مبسوطة قوى ان البوست عجبتك
و ياريت تزورنى على طول
-------
يا قلبى يا غريب

اشكرك قوى على مرورك
و ياريت دايما عندى فى دكانى المتواضع


و سلام ليكم كلكم

أحمد يقول...

بوست فى منتهى الجمال بصراحة

تحياتى لكى يا نادين

Ramy Emil يقول...

besara7a kalam gamed ,,ana ba3d ma 2areto, ro7t 2a3adt gamb 2omy w kont 3awez aboos 2edeha , ,3ashan 7asesny ad eh el wa7ed 3ando 7agat gamila mesh 7ases be 2emet-ha ,, so thanks nadine

islamz يقول...

ناديين .. تسمحيلي اقولك

يخرب عقلك ... بس بجد بوست شديييييد جدا
انا مش عارف اقول ايه بس بجد حلو جدا
مش المهم ان الواحد يحس بإحساس معين .. لكن المهم هو ازاى يوصل للناس احساسه
وتوصيل الاحساس له كذا طريقة اما بالكلام او بالحركة او بالرسم او بالكتابة ..
وانا بعتبر ان توصيل الاحساس عن طريق الكتابة هو اصعبهم فعلا .. لانه لو فى كلمة مجتش فى مكانها او اتكتبت غلط هتضيع الموضوع والاحساس . وطريقة السرد كمان مهمة اوى انتى بدأتى معانا الحكاية من اول الولد ما دخل السوق لحد
ما روح عشان ينام .. انا اتخيلت الموقف كله متحرك .. تخيلت وش الولد الصغير وهو بيبص للناس اتخيلته وهو بيمد ايده لواحدة ست عشان يلفت انتباها يمكن تلعب معاه او تمسح على شعره
اتخيلته وهو بيجرى وسط السوق يدور فى وشوش الناس .. بجد بحييكى على البوست الرائع ده ..

معلش طولت عليكى .. بس انتى كنتى وحشانى .. وكمان البوست ده ميتسكتش عليه

وفرحت لما لقيتك كنتى بتسألى ايام الامتحانات .. فيكى الخير يا ناديين

خللى بالك من نفسك وعاوز اشوف مواضيع تانية ليكى بسرعة ...

تحياااااتى ... :]

Nadine Alfred يقول...

مبرمج حر

شكرا ليك جدا
و ياريت تعدى علينا كتير
-------
رامى

مش قادرة اوصفلك كلامك ده بسطنى قد ايه
دلوقتى بس ابتديت احس ان كلامى ممكن يكون له قيمة
و مبسوطة كمان انى قدرت اوصل إحساسى و اللى جوايا
بجد بشكرك جدا يا رامى
-------
اسلااااااااااامز

ايه يا سيدى
ايه يا عم
ايه يا بابا
كل ده بتمتحن؟
طب خلصت الخميس... إختفيت جمعة و سبت ليه؟
بجد كنت مفتقداك جدا
بس المهم تكون عملت كويس
سمعت انك كنت بتعمل شقاوة و مش بتذاكر :D

مبسوطة قوى برأيك ده
بتدينى ثقة فى نفسى

ماتغيبش تانى كده
و إلا هاسحب منك العشيشششييين جنيه
انت حر

و سلامى ليكم كلكم

Amr Ahmed يقول...

كده برضو يا نادين

بتشرديلي عند اسلام

انا هاستناكي برة المدونة

خلي بالك من نفسك بقي

اوك

VEЯŎ يقول...

2l post dah ro3a ya nado0o0o0o0

بيجاسوس المصرى يقول...

مشاعر جميلة واحساس جميل مملؤ بحالة من الالوان الجميلة التى من السهل رسمها و لكن من الصعب وصفها
انها المشاعر الحقيقية

و شكرا لزيارتك ونورتى المدونة

basma saghir يقول...

نادوو حبيبتي
انتي ليكي عندي تاج ابقي خديه..ومتتأخريش
في السريع كدة
سلام

islamz يقول...

ايه يا واد يا عمرو انت يا واد انت بتقول لناديين هتستناها برة .. طب ورينى كده هتعملها ايه .. ههههههههه
لو عملك حاجة يا نادين قوليلي وانا هعمل نفسي مش واخد بالى .. ههههههه


نادييين تعالى عندى ليكى تاج .. ماشي متأخريش

الدبور يقول...

ايه الاحساس العالي ده
انت رائعه يا نادين استمري في الكتابه في اوقات الامتحانات علشان الابداعات تظهر

تحياتي
الدبور

www.dabbor.blogspot.com

Nadine Alfred يقول...

ايه يا عمرو الحركات دى
لأاااااااااااااا
مش انا خالص اللى ممكن انضرب
انا الوحيد اللى انضرب ولا يتورم

هاهاهاهاها
مع تحياتى للأخ مصطفى قمر
------------
vero
thx 4 ur comment
and glad u like it
hope u always keep visiting me
------------
pegasuselmasry
شكرا ليك قوى على الكلام و التحليل ده
مدونتك جميلة قوى
و شكرا عالزيارة

Nadine Alfred يقول...

بيسوو

ابوس ايديكى فهمينى ايه حكاية التاج ده
برضه اسلام و عمر بعتولى واحد
بقى انا اسافر يومين اجى الاقيكوا عاملين كل ده من ورايا

و عموما شكرا ليكى على التاج ده
بس امانة عليكى تفهمينى البتاع ده عبارة عن ايه
عشان مبقاش زى الأطرش فى الزفة
-----------

ايوة كده يا اسلام
دافع عنى
دانا شكلى هتبهدل منكوا انتوا الاتنين فى الآخر :D
----------
الدبور
يا ميت اهلا و دشليون سهلا بيك يا دبور
انا مستعدة افضل اكتب بس محدش يجيبلى سيرة الإمتحانات دى تانى
شكرا ليك
و سلامى ليكم كلكم

basma saghir يقول...

انا برضو مكنتش فاهمة بس الموضوع والله بسيط جدا عامل زي لعبة الحقيقة يعني شوية اسئلة وتجاوبي عليها
تحطي الشؤال وتحته الاجابة وبس خلاص
وكل ده بهدف اننا نعرف بعض اكتر
متقلقيش شكة دبوس والله
وبعدين انتي كنتي فين كل ده مختفية بقالك كتيييير
يلا بقى جاوبي بسرعة