الجمعة، ١٩ يناير ٢٠٠٧

ٌReal Love



بحب الصورة دى قوى
و من وجهة نظرى
انه برغم بساطتها
إلا انها حملت المعنى الحقيقى للحب
الحب
الحنان
التقارب
الإحتواء
التكامل
الدفء
و كل ده منغير ما حد فيهم يفقد هويته او شخصيته
و اعتقد ان بهذا
يصل الحب إلى الكمال

(الصورة دى كانت منشورة فى احد موضوعات الدستور بس للأسف مش فاكرة مين اللى رسمها

هناك ٩ تعليقات:

Amr Ahmed يقول...

اقفشتك يا نادين

انتي سايبة مذاكرتك وقاعدة علي النت

قومي ذاكري يللا
الناس اللي مخلصة بس زيي كده هما الل يقعدوا

حلوة اوي الصورة دي

انتي من هواة الدستور زيي

يللا بقي ربنا معاكي
تخلصي علي خير ان شاء الله

انا ليه جايزة اول تعليق

basma saghir يقول...

نادين الصورة فعلا حلوة جدا وبسيطة جدا ومعبرة جدا
بس الحب يا نادوو اكتر من كدة
ومعناه ميتلمش في صورة ولا حتى عشرة

ركزي شوية بقى في مذاكرتك

سلامي ليكي

admelmasry يقول...

علي فكرة من الواضح جدا ان دي ريشة الفنان وليد طاهر

دا الا اذا ما خنتنيش ذاكرتي

تحياتي

Nadine Alfred يقول...

عمووووور

انا النهارده اول يوم فى الحرية
اخيرا

انا فعلا بحب الدستور و باحترم آرائها جدا

على فكرة انت اللى يتقال عليه
"دايما سابق بخطوة"

هاهاهاهاها
اشكرك انك بتعدى على طول
كمان اشكرك على تعليقاك

Nadine Alfred يقول...

بسيوووو

رأيك صحيح
الحب معنى كبير قوى و ليه وجوه كتير
الحكاية كلها ان الصورة عجبتنى
و لمست نقطتين و هما المشاركة و التكامل
و دول مش بلاقيهم فى كتير من الناس
انما طبعا الحب لا يوصف و لا يوضف فى إطار ضيق زى الصورة دى

بين قوسن: بيعجبنى فيكي ان دايما بيبقى ليكى رؤيتك الخاصة فى اى موضوع يا بيسو
و شكرا اند دايما بتمدينى بأرائك القيمة

----------
ادم المصرى

مش عارفة يا ادم بصراحة
الذاكرة مش مساعدانى
هو اللى انا فاكراه انها كانت فى صفحة ضربة شمس

عموما شكرا على المساعدة
سلام

islamz يقول...

نادييين :

فعلا الصورة حلوة اوى .. اقرب الكلمات اليها هى الاحتواء .. التفاف الذراع من كلا الطرفين بيدى احساس بالتكامل بجد
على فكرة انا حاولت مبصش على الكلمات اللى انتى كتباها فى الموضوع او مفتكرهاش وحطيط الصورة قدامى عشان اشوف احساسي بيها وفعلا لقيت ان كلامى زى كلامك بالظبط نفس شعورك تجاه الصورة ..

:]

Nadine Alfred يقول...

اسلامز

عايزة اقولك ان وانا بقراء الجرنال
بفره
لقيت الصورة دى اثرت فى و لمستنى بسرعة
قلت اشاركم بيها

مبسوطة انها عجبتك
و حمدالله عالسلامة

غير معرف يقول...

سلام عليكي يا نادين
ازيك يا قمر
دي اول مرة اكتبلك تعليق علي البوستات بتاعتك و بصراحة الصورة حلوة جدا
عارفة يا نونو
الصورة دي ممكن يكون اجمل تعليق عليها انها "دافئة "
بحب اوي شكل الحضن منغير ما يكون فيه شي يخدش الحياء
شكل من اشكال الرقة و البراءة بالنسبة لي و احساس عالي قوي
انا من عشاق التصوير و الرسم و ممكن اشعر لك فيها للصبح بس مش هزعجك اكتر من كده
سلام يا جميل
مها

Nadine Alfred يقول...

مهاااا

يا سلام يا سلام عالتحليلات
انا برضه حسيت فيها بالدفا
كلامك فعلا بيترجم اللى حسيت بيه اول ما شفت الصورة


شكرا ليكى جدا على تعليقك
و ياريت على طول كده بافكارك و رؤيتك المميزة

سلام يا قمر