الثلاثاء، ٦ فبراير ٢٠٠٧

السلطانيـــــة

ييييييييييييييييييييييا شعبى الحبيييييييييييييييب الصبوووووووووور المهاااااااااااااااااود
قرار ديكتاتور رقم 77354
بقبول هدية مهداه لسموى
عدد تلاتة سلطا... عفوا
قصدى تاج
هدية مستعجلة لشخصى الكريم
حححححااااااااااااا

انا قلت ابتدى بداية قوية كدة حيث اننا هنتكلم عن تيجان و ملوك بقة و ناس مش اى كلام
اولا شكرا لبسبوسة البسابيس الأميرة بيسوو على التاج اللى ارسلته مخصوص من الجزيرة عندها
كمان بشكر الأمير عمرو و السلطان اسلامز على تيجانهم الغالية
نبتدى بقى بأسئلة عمرو و إسلام
اية اللي حيحصل لايميليك لما تموتى ؟
هيقفل بعد فترة و معتقدش حد هيفتحه او هيفكر فيه اساسا

اديتى الباس وورد لحد قبل كده؟
اه..اديته مرة لمامتى عشان النت عندنا مكانش شغال
و مرة اديته لأختى... مجرد فراغ كده و خلاص

لو اه كانت طبيعة علاقتك بيه اية؟
قريبة جدا
امى و اختى فقط لاغير

اســــــمك؟
نــــــــاديــــــن

اسم الدلع المشهورة بيه وسط اصحابك؟
صحابى اللى من زمان قوى بيقولولى يا نادوو
اما عيال الجامعة بينادولى يا الفا عشان انا الألفا بتاعتهم يعنى :D
انما بقى جوه العيلة بيقولولى يا دندن
اعمل ايه بقى, ماهى الناس المشهورة اللى زيى كده ليها اسامى دلع كتير

عمرك؟
تسعتاشر سنة و سبع شهور

برجك؟
السرطااااااااااااااااان
البرج اللى اصحابه مشهورين بالتناقضات

مجال دراستك؟
الآداب و التربية و اللغة الفرنسية

شخصيتك نوعها ايه؟
شخصيتى غريبة, بحس نفسى طيبة قوى و على نياتى قوى و شخصية مسامحة جدا بس لو فقدت الثقة فى حد.. صعب ارجعها تانى.
بحس انى مليانة تناقضات و انا عموما شخصية متقلبة بسرعة رهيبة و احيانا مجنونة
بحب اضحك قوى يعنى شخصية احب الإنطلاق و الضحك و الجنون و اللى بيكون احيانا وسيلة اخبى بيها حزنى

السفر بالنسبة لك؟
حياااااااااااااااااااااااااااااتى كلها
احلى حاجة فى الدنيا السفر, خصوصا لو مع ناس من سنى, او مع صحابى الحقيقيين اللى اعرفهم من زمان
بوجه عام السفر بيثير جوايا مشاعر جميلة قوى و بيخلينى انسى اى هموم جوايا
اتمنى اعيش حياتى كلها فى سفر

المود بتاعك؟
متقلب الى اقصى درجة
ممكن اكون قاعدة بسمة نكتة تضحكنى جدا, و فجأة افتكر حاجة تزعلنى اقوم اكتئب.. و العكس صحيح

الاكلة المفضلة؟
الأكلة المفضلة بتاعتك ايه يا نادو؟؟ الأكلة المفضلة؟؟
اه
بحب جداااااا ورق العنب, و الفراخ دى عشقى
كمان لما ببقى جعانة و قاعدة لوحدى ممكن اعك اى عك كده... بس بيطلع ظريف

الصفات اللي خدتيها من بابا؟
اخدت من ابويا حب القراءة و المعرفة بوجه عام او تقدر تقول حب الثقافة
و الحساسية المفرطة
كمان كتير بيقولولى انى شبهه.. بس هو احلى منى

الصفات اللي خدتيها من ماما؟
طريقتها فى التفكير
إحساسها بالآخرين
تحليلها للموضوعات بشكل عام
و عموما انا واخدة كتير من صفات امى

اكتر 6 حاجات بتكرهيها؟
الكدب ثم الكدب ثم الكدب
الحزب الوطنى
الطابور اللى عندنا فى الجامعة
الناس اللى بتبثق فى الشارع
أى حد يهدملى احلامى.. لأن الحلم بيكون غالبا هو كل ما املك فى هذا الزمن
و اخيرا.. بكره الأحوال اللى إحنا عايشينها دلوقتى.. و ساكتين عليها

اكتر 6 حاجات بتحبيها؟
بحب القراية
بحب البحر و المياه و المطر جداااا يعنى بحب البلبطة فى الميه طول الوقت
بحب اناااااااااام
بحب قعدتى مع صحابى
بحب الموسيقى حدا حدا
بحب عيلتى جدا جدا
و نزود عليهم الأفلام اللى فيها قصص إنسانية واقعية

الشغل بالنسة لك؟
امنيتى فى الحياة, نفسى من زمان اشتغل او اجرب طعم الشغل ولو حتى فى الصيف

ايه الكمبيوتر والانترنت بالنسبة لك؟
ده بقى إدمان
يااااااااه ده لازم على الأقل ساعتين فى اليوم قدام الكمبيوتر
محدش مخه يروح لبعيد و يفتكر إن الموضوع مجرد تشات و ميل
لأ, انا تقريبا الإنترنت ده اصبح المصدر الرئيسى لمعلوماتى



اما بيسوو بقى فكانت عايزة تعرف خمس حاجات عنى محدش عرفها قبل كده
يعنى خمس اسرار
ماشى يا بيسوو

اولا:
بحب اقعد اتكلم مع نفسى جدا و ياريت محدش يتريق عليا
بس انا بحب اتفاهم مع نفسى بصوت عالى و اكون لوحدى

ثانيا:
جيت و انا فى ثانوية عامة كنت بركن الفيزياء عشان مكنتش بحبها و كنت طول الوقت بقعد اذاكر رياضيات و انا مشغلة موسيقى.. محدش كان يعرف الموضوع ده بس طبعا الناس كلها اتصدمت لما لقونى مقفلة الرياضيات و يادوب ناجحة فى الفيزياء

ثالثا:
و ده بينى و بينكم, كذا مرة فكرت اروح لدكتور نفسى, بحس كتير انى مش فاهمة نفسى و ان جوايا دهاليز و سراديب مظلمة محتاجة انورها و اكتشفها عشان اعرف اعيش صح. بس للأسف مش قادرة اعرض موضوع زى ده على اهلى!!!

رابعا:
بخاف من فكرة الجواز و تغير الحب بعد الجواز و عندى إستعداد افضل طول عمرى منغير جواز بس ماتجوزش واحد لمجرد سد خانة

خامسا:
هى ماتعتبرش سر يعنى , بس هقولها برده
انا دلوقتى و انا فى سكة العشرين سنه, حاسة ان طفولتى كانت سعيدة جدا, جوايا مخزون ذكريات طفولة و ايام سعيدة و لعب و شقاوة و حركات بتساعدنى انى اكمل حياتى.
اقدر اقول انه اتيحت لى فرص كتير مكانتش متاحة لناس غيرى و ده عشان ربنا ادانى اهل مميزين زى اهلى

احب بقى اهدى التاج ده:
Non Sense لرامى
مها- غربة وطن
بيجاسوس المصرى
الرقيقة كارول
حد فاهم حاجة؟
و Lion king

و باى باااااااااى

هناك ١٥ تعليقًا:

basma saghir يقول...

هييه هيييييييه
برافو برافو الف مبروك على التاج
لا شكر على واجب يابنتي دي اقل حاجة ميجيش من بعد خيرك يا نادووو

SomeOne يقول...

انا بمسي التماسي التماسي احسن تقولوا اني انا ناسي

للاسف ح اغيب عن التدوين اسبوع كمان

فقولت اسلم قصدي ارخم وامشي

يلا جاي

Amr Ahmed يقول...

هههههههههههه

اتدبستي

بس يا خسارة فلتي انتي المرة دي

معلقتش اول واحد

بس ما شاء الله عليكي
في كليتين مرة واحدة

اداب وتربية

انتي هايلة

انتي كنتي جايبة كام في الثانوية

نياهههههههههه

بس اجاباتك حلوة

احلي حاجة ورق العنب

والقراة

سلام يا جميل

أُكتب بالرصاص يقول...

ايه ده يا نادينن


انت عندك تسعتاشر سنة وتلات شهور؟؟؟
ده انت طلعتي صغيرة قوي
انا كنت فاكر ان عمرك
عشرين سنة


لا يا بنت الحلال..
صدمتيني

Nadine Alfred يقول...

بيسوو

شكرا ليكى جدا
اولا شكرا عالتاج
ثانيا شكرا لاهتمامك
كلامك الرقيق البسيط ده بيكون ليه اعظم الاثر عندى
بجد انت انسانة حلوة قوى

Nadine Alfred يقول...

شادى باشا

ايه يا سيدى الغيبة دى؟؟
لأ و كمان هتغيب اسبوع تانى؟؟
متطولش بقى و تعالى بسرعة
و ياريت على طول تبقى تعدى ترخم
قصدى تسلم
و تيجى بالسلامة
--------
عمووووور

هم بيقولولنا اسمها كده
ليسانس آداب و تربية
و بعدين يعنى دى اللى وجعتك قوى ياسى عمر؟؟
يا عم ماتبقاش حنبلى قوى كده
--------
اكتب بالرصاص

انت كمان هتقول على صغيرة؟؟
عايزة اقولك ان و انا فى المدرسة كنت اصغر البنات
و فى الجامعة برضه انا من اصغر الناس فى الدفعة
مش عارفة بقى امتى هيقولوا على كبرت؟؟؟!!!
و بعدين تسعتاشر من عشرين مش فارقة كتير
اتريق يا عم براحتك
ماااااااشى

سلامى للجميع

Lion king يقول...

نادين
ازيك
:)
حلوة جدا ردودك على الاسئله
واضح انك انسانه طيبه جميله
بتحب كل الناس والناس كلها بتحبك
تحياتي ليكي
:)

غير معرف يقول...

سلام عليكي يا نادين
ميرسي جدا علي التاج ربنا يخليكي دايما رافعة روحي المعنوية:)
متخليش حد يأثر بالسلب علي احلامك و افكارك للمستقبل لانها رأس مالك
سلام يا اجمل نادين
مها

Lion king يقول...

شكرا يا نادين على التاج
بس معرفش دا تدبيسه ولا حاجة حلوة
:)
عموما ربنا يستر

Ahmed EIssa يقول...

اجاباتك لذيذة ودمها خفيف..وصريحة كمان..
دي اول زيارة ليا والبلوج بتاعك جميل جدا

VEЯŎ يقول...

nado0o0o0o0o0 2gabatek zay 2l3asal zaeek keda

Unknown يقول...

صديقتى العزيزه نادين

اولاً شكرأص اوى اوى على دعوتك ليا وانك اعتبرتينى من اصدقائك

ثانياً انا برضه كنت مبحبش ولا بطيق الفيزياء و كنت بموت جداص فى الرياضه واضح ان دماغنا واحده

ثالثاً مرحله الدهاليز دى مرحله قعدت معايا كتير اوى مش هتصدقى يمكن قعدت معايا لغايه ما كملت 23 سنه بس ربنا يوصلك لنفسك اسرع منى

رابعاً اتمنالك حياه عشرينيه سعيد زى ما كانت حياتك العشريه و العشرشتاريه سعيده

خامساً يا ريت تشرفينى دايماً
تحياتى
واحد قرب على المرحله الثلاثينيه

Nadine Alfred يقول...

lion king

اخجلتم تواضعنا يا فندم
اشكرك جدا على كلامك الرقيق
على فكرة التاج علينا حق
ممكن تقول كده انه تدبيسه :P
بس تدبيسة حلوة
و مبسوطة اكتر انك قبلت التاج منى
باى
---------
مها

يا باشا لا شكر على واجب
و فعلا
احلامنا هى راس مالنا
هى الحاجة الوحيدة اللى تخصنا وحدنا
باتبسط قوى من زيارتك يا مهاميهو
و فعلا بوست المطر اللى كتبتيه عجبنى قوى
سلام يا قمر
---------
احمد عيسى

ويلكم مستر اهمد
مبسوطة ان المكان هنا عجبك
ياريت بقى على طول زيارات
و يا اهلا بيك دايما
---------
veroooo

merci awy 3al complement da
thx begad
---------
whyme

قد ايه اتبسطت بكلامك ده
اولا انا افخر بصداقتك
ثانيا صليلى ان مرحلة الدهاليز دى تنتهى بقى و اعرف اولع شمعة فى هذه الكهوف المظلمة
ثالثا انا مستنية بقى المرحلة العشرينية دى بفارغ الصبر
عشان اقول بقلب جامد ان عندى عشرين سنة
و يبقى الواحد ساب مرحلة الteen دى

مبسوطة قوى بمرورك
و بجد انت انسان و شخصية و عقلية عزيزة على جدا

سلااااام

chaos يقول...

HI NICE ANSWERS
THIS MY FIRIST TIME TO VISIT YOU AND I DON'T THINK IT WILL BE THE LAST ? CAN I SEE YOU IN MY BLOG OK?
VISIT ME
C U

Nadine Alfred يقول...

hi chaos

thx 4 ur comment
ur visit is my pleasure

i'm happy 2 know u and ur blog
hope u keep visiting me
and c u in ur place
cya