الثلاثاء، ١٣ فبراير ٢٠٠٧

Happy Valentine to meeeeee


بالرغم من الحالة النفسية اللى ماشية فى سكة الإنحدار بقالها فترة
بالرغم من الجو العام المحيط الذى لا يدعو إلى اى نوع من البهجة
بالرغم من الإرهاق والتعب اللى مرحلين من الأسبوع اللى فات
بالرغم من الدراسة اللى ابتدت و اللى شكلها مش مبشر على الإطلاق
بالرغم من انه مافيش حد معين اعيد عليه او يعيد على فى هذا اليوم
اللهم إلا اصحابى
اللى ربنا يخلينى ليهم و مايحرمهمش منى ابدا
إلا انى قررت
بالعند فى كل ده
انتهز فرصة هذا اليوم
اللى هو من المفترض انه يكون مميز
و اعيد على نفسى
و اخرج من كل ده
و انطلق
مع صحابى او حتى لوحدى
المهم انى انطلق و السلام
و اقول لنفسى و للكل
Happy Valentine

هناك ٢٣ تعليقًا:

Ramy Emil يقول...

i hope to be the first to comment on this post to my dearest friend Nado
Happy valentine ,
For a friendship that will last forever

Nadine Alfred يقول...

oooooooh ramy
really i'm sooooooo happy of ur words
and that sweet comment

you really are my dearest friend ya ramy
a very precious person and friend
you, sally and rana are unforgettable freinds

and i hope these beautiful feelings between us last forever

thank you soooo much my friend
and happy valentine to you too

basma saghir يقول...

بما اني مش معترفة بعيد الحب من الاساس
مش هقلك هابي فلانتين دي الي من ساعة ما صحيت من النوم النهاردة وبشوفها وبسمعها في كل مكان
بس هقلك ربنا يسعدك ويارب بكرة يبقى احلى من النهاردة بمية الف مرة

يا قلبي يا غريب يقول...

كل يوم وانتي الي الله اقرب اليس هذا عيد؟؟ و اكبر عيد..مفيش عيد حب..تحياتي

maha يقول...

سلام عليك يا نادين
بصي بقي
اولا كل سنة و انتي بكل الحب و كل الفرحة
و بالرغم من الحال واحد.....الا ان برده يبقي الامل ان ممكن العيد الل جاي يكون فيه حاجة..و حاجة رسمي كمان ان شاء الله و اللي يحصل لها الاول تعزم التانية ماشي؟؟؟؟:)

و لا يهمك و شيلي من دماغك الاحباط المهم تكوني متصالحة علي نفسك و عندك اصحاب تعيدي عليهم
سلام يا نونو
مها

Amr Ahmed يقول...

هابي فالانتين

وعقبال الفلانتين الجاي

اي خدعة

Lion king يقول...

happy
happy happy
:)
kol 7aga 2 you :)

VEЯŎ يقول...

Happy Valentine 2 you :)

أشرف حمدي يقول...

اللي فارسني يا نادين ان فيه ناس متخلفة حرمت العيد ده
يعني هو حرام نحب بعض ولو ليوم واحد في السنة ؟
لازم نكره بعض يعني

في انتظار تشريفك مدونتي
تحياتي

Nadine Alfred يقول...

بيسوو

انا برضه مش مقتنعة اننا نخصص للحب يوم واحد نعيد فيه

بس لما يكون الحب مختفى من حياتنا
مش كتير عليه اننا نعمله ذكرى نفتكره
زى ما بنعيد ذكرى الجندى المجهول

انا كمان بتمنى لك السعادة دايما
و يارب بكرة يبقى احلى من النهاردة بميت الف مرة :)

Nadine Alfred يقول...

يا قلبى يا غريب

طبعا قربى من ربنا عيد
و احلى عيد كمان
بس اسمحلى اختلف معاك
انا مؤمنة ان فيه عيد حب
لأن الله محبة

تحياتى ليك و شكرا على مرورك
----------
مها العسولة

و انت طيبة يا جميل
و يسمع من بقك ربنا
يارب الجاى يبقى احلى
----------
عمرو باشا

مش عارفة ليه حساك بتتريق
يلا مش مهم
كل فالنتين و انت طيب

Nadine Alfred يقول...

lion king

atmanalak enta kaman kol 7aga fe 7ayatak tekoun happy
and thx 4 these happy words
---------
vero

thx, and hope u had a beautiful day
---------
اشرف حمدى

ماتفرسش نفسك
عادى
فيه ناس كده
بس ولا يهمك
عيد انت و مالكش دعوة بحد
و اشوفك على خير فى المدونة عندك
سلام

يا مراكبي يقول...

أنا برضه في سنة من السنين زماااان عدى عليا عيد ميلادي وجبت لنفسي فيه هدية .. ماكانش عندي حد ساعتها يجيبلي هدية

أما بالنسبة لتحريم عيد الحب .. فطبعا لازم نعرف الأول إن كلمة حرام دي كلمة كبيرة جدا وما ينفعش تتقال كده وخلاص .. لكن في نفس الوقت لازم نعرف إنه مايصحش نقلد عيد غربي منشأ حكايته مش كويس خالص .. ده غير إن الحب الحقيقي مش عايز له يوم مخصوص للإحتفال

تحياتي

الأباصيرى يقول...

تفتكرى أنة فعلا هابى فلانتين؟؟؟

وبعدين حد يقول للناس هابى فلانتين ويحط الصورة دى
:)
يلا مش مهم تتعوض فى الفلانتين الجاى

ويجعلة عامر

تحياتى

Unknown يقول...

و بالرغم من انك وجهتى المعايده نفسك و مش لينااااا
و بالرغم من انك اديلك كتير مزتنيش
و بالرغم من انك

كل سنه وانتى طيبه و عقبال الف فالانتين يمروا عليكى كلهم حب و سعاده


تحياتى

Nadine Alfred يقول...

عجبنى فى كلامك انك قلت
إن كلمة حرام دي كلمة كبيرة جدا وما ينفعش تتقال كده وخلاص

فعلا
مش كل حاجة احنا شايفينها من وجهة نظرنا لا تليق يبقى نقول عليها حرام

اشكر ليك جدا مشاركتك يا مراكبى
-------------
الأباصيرى

و الله
فى الواقع
فى الحقيقة
هو مش هابى بس انا بحاول اخليه هابى
و الصورة دى كان قصدى بيها اقول
انه بالرغم من المحيط العام الحزين
بس لازال هناك قلب لونه احمر يبعث عالبهجة

ابقى تعالى عندنا على طول بقى يا اباصيرى

سلااااااام

Nadine Alfred يقول...

whyme

يابنى انت فينك كل ده؟؟
بقالى كذا يوم ادخل عندك و الاقى المكان هس هس
اقول يمكن مشغول حبة و جاى
بس عموما حمدالله عالسلامة

هو فعلا العنوان فيه بهنى نفسى
بس فى الآخر انا تمنيت هابى فالنتين للكل

مبسوطة قوى بعودتك
و ماتغيبش تانى

Ayyam يقول...

عيد سعيد يانادو...معلش مكنتش أعرف أنكم بتحتفلوا بيه فى مصر...هنا-أوربا- الواحد لازم يوزع كام بوسه على كام هديه بسيطه لكل الأصحاب المقربيين.....تمنياتى لك بإيام سعيده كلها حب وصدق وصداقه

كلبوزة لكن سمباتيك يقول...

اخبارك اية؟
يا رب تكوني كويسة
:)

SomeOne يقول...

هههههههههههههههههه

happy valentine

Nadine Alfred يقول...

ayaaaaaam
يا ويلكم يا ويلكم
ياسلام على عيد الحب فى اوروبا
ماشى يا عم
احنا على قدنا هنا فى مصر

مبسوطة انك عديت على
و اسفة لو ردى جه متأخر شوية..اتنين..تلاااااتة

Nadine Alfred يقول...

Sampateek

فينك يا بنتى
بقالى زمان مش بشوفك
انا الحمدالله كويسة
و انت عاملة ايه؟؟

Nadine Alfred يقول...

شادى

happy valentine to you too :D