الخميس، 3 مايو 2007

مافيش اسهل من كده

عاوز تموت شهيد ؟
ياتركب طياره............... ياتركب عباره

عاوز تموت م الجوع ؟
ياتشترى شقه................ياتشترى عربيه بالقسط

عاوز تموت م الحسره ؟
ياتتفرج ع الفاترينات فى ستى ستارز.....ياتروح زياره لمارينا

عاوز تموت م الغيظ ؟
ياتتفرج ع القنوات المحليه......... ياتتفرج ع النشره الجويه

عاوز تموت م الزهق ؟
ياتستنى الأشاره لما تفتح .... ياتستنى دورك فى الطابور فى
التأمين الصحى

عاوز تموت م الهبل ؟
يا تخش ع النت .......... ياتسمع نجوم الأف أم

عاوز تموت مخنوق ؟
ياتروح مصلحه حكوميه ......... ياتقرا الجريده اليومية

عاوز تموت مفروووس ؟
ياتركب تاكسى ............ ياتركب دش

عاوز تموت مرعوووووب ؟

ياتستنى نتيجه الثانويه العامه ....... ياتستنى نتيجه التحاليل عند الدكتور

عاوز تموت مشهور ؟

ياتتجوز رقاصه ............ ياتنصب على بنك

عاوز تموت مليونير ؟

ياتعمل فيديو كليب............. ياتلعب كوره

عاوز تموت ورا الشمس
؟
ياتشغل مخك ............ ياتفتح بؤك

عاوز تموت منكد ؟
ياترشح نفسك فى الأنتخابات ....... ياتخش ف أتفاقيه الجات

عاوز تموت م الحزن ؟
ياتفكر دايما ف أحوالك .......... ياتحط الحكومه ف بالك

عاوز تموت م الضحك ؟
ياتتجوز أتنين ......... ياتشتغل مع المجانين

عاوز تموت ف حالك ؟

أعمل نفسك دايما مش واخد بالك
-----------------------
تحديث نسيت اكتبه فى البوست
الكلام ده منقول من ميل وصلنى و عجبنى قوى

هناك 33 تعليقًا:

The Alien يقول...

عاوز تموت
عاوز تموت
طب واللي عاوز يعيش؟

حلو الشكل الجديد
ومتبقيش تغيبي تاني
تحياتي

شادي فايد يقول...

هههههههههههههههههههههههههه

يعني اللي عايز يعيش
مش يعمل اي حاجة من اللي انت قلتي عليهم

YHYيــوســف الـمصـرى يقول...

هع هع هع هع :D
لذيذة موووووووووووت :)
تحياتى

وينكى يقول...

يامساء الفل والقفشات يا ست الكل
واحشانى
احلى كلمه فيهم ليها معنى
عايز تموت فى حالك...اعمل دايما مش واخد بالك
أنا عامله النهارده حفله عندى على مدونتى الصغنونه
ياريت تشرفينى

karakib يقول...

عاوز تموت ف حالك ؟

أعمل نفسك دايما مش واخد بالك

--------------
أنا أخترت دي من زمان
لكن مش عايز أموت

الدرويش المرووش يقول...

حلوه موووووت
ما قتل و دل

قصدى ما قل و دل

غير معرف يقول...

hi nadooooooooooooooo
damk zay el 3asal daymn w bloogk zayk
atmna nkon as7ab
ya rab tkony fakrany :)
some one

يا مراكبي يقول...

إيه كل ده .. ده إيه التفاؤل ده كله .. منتهى الإقبال على الحياة .. برافو عليكي

طيب اللي عايز يموت سادة كدة من غير أي إضافات يعمل إيه؟ نرجو الإفادة

micheal يقول...

ههههههههههههههه...لذلذه جدا بس حاسس اني قريتها قبل كده بس مش فاكر فين
تحياتي لكي

nadine يقول...

The alien

لااااا
اللى عايز يعيش ده موضوع تانى
مايكفيهوش كتب العالم
خصوصا لو فى بلدنا دى

توشكر يا بيشوى
هو مش شكل جديد قوى يعنى
أهو تغيير مؤقت لحد ما أخلص إمتحانات
تحياتى
-------
شاااديييي

بالظاااااااااابط
-------
يوسف المصرى

يا اهلا بيك دايما فى ركنى المتواضع

nadine يقول...

وينكييييييى

كل سنة و انت طيبة يا قمرة
الحفلة كانت حلوة كده
ياريت تعملى عيد ميلادك ده كل شهر عشان نبقى نتجمع كده تانى
سلامى ليكى يا عسل
--------
karakib

نعم الإختيار يا هانى
و ربنا يديك الصحة و طولة العمر
--------
دااارووويششششش

إزيك؟؟
يا أهلا بيك فى أولى زياراتك
ياريت رجلك تاخد عالمطرح و تبقى تيجى على طول
سلااااام

nadine يقول...

دالياااااااااا

توشكرى يا ذوق
دا انت اللى سكرة
و بجد مبسوطة جداااا انى اتعرفت عليكى
أكيد أصحاب يا بنتى
على راى كاظييييييييييييييم
"هل عندكِ شكُ؟؟؟

بس صحيح
اللى يحب يسلم عليكى يجيلك فيييييين؟
لو ينفع تبعتيلى الميل بتاعك
خدى ميلى هتلاقيه فى البروفيل
كيب إن تتش
سلاام يا قمر
---------
يا مراكبى

شفت بقى
اتارينى بدلدق تفاؤل و انا مش واخدة بالى
اللى عايز يموت سادة ده بقى انصحه مايطلعش من بيتهم
و اى خدمة
نورتنى
---------
micheal

هى ممكن تكون وصلتك بالميل زى ما جتلى
بس بذمتك
مش واقعية؟؟؟

الدبور يقول...

لا انا اعترض علي نقطه طابور التامين الصحي
انا بستغل نفوذي واعدي واجيب اي حاجه انا عاوزها
ما كل اللي بيكشفوا زملاء دراسه و عمل
بس بوست حلو يا نادين

غير معرف يقول...

merci ya amar 3la elmo2bla el 7elwa dy bs ll2sf ana 7yaty ba e mail or blogg ya3ny lw 3ayzany anotelk fy el blogg bta3k w bs...
thanks any way my friend :)
some one

Amr Ahmed يقول...

طب واللي عاوز يعيش سيادتك

اه

ميعملش حاجة خالص

او ممكن يروح يموت

ياسمين يقول...

ازيك يا قمر
انا كمان وصلنى نفس الميل

متشكرة قوى على التهنئة بعيد ميلاد الحلوة جنى

أحمد سلامة يقول...

وليه الموت اساسا
انا عايز اعيش
--------------
عليز تعيش مستور
سيب البلد دي وغوور

micheal يقول...

طبعا واقعيه و لذيذه جدا
تحياتي لكي

إبـراهيم ... معـايــا يقول...

يااااااااااااه ... نااادووو !!.
إزززززيـــك يا بنتي ، أولاً : مبروووك النيووو لوك ، وكويس إنـك لسه فاكراني (اعتمادًا ع البوست اللي فات) ، أنا اللي أكيييد جالي زهايمـر .......
لا زلت في انتظـارك . وخاالـص تحيااااتي
:)

MaMaDo يقول...

انا فعلا قرأت الكلام ده من ميل قبل كده
بس هو ده الحقيقى و الى بيحصل

هم يضحك

تحياتى

بياترتس يقول...

طيب مفيش حل تانى
ههههههههههه
حلوه

Shreif fahmy يقول...

http://sfahmy78.blogspot.com/2007/04/9.html
منتظر تعقيبك على البوست ده

whyme يقول...

البوست تحفه و خلانى بجد اضحك من قلبى خصوصاً الموت من النكد و الحزن و ورا الشمس بس بالنسبه ليا طبعاً اكيد نفسى اموت مشهووووووووور

تحياتى يا صديقتى و فعلاً ضحكتينى بجد و معلش على طول فترة الغياب انشاء الله تتعوض

الشيطان يعظ يقول...

طيب ولو عاوز اموت مبسوط

islam yousef يقول...

حرام عليكى
انا مش عايز أموت ..مش عايز أموت
خلاص حرمت
و النبى حرمت
مش هاتكلم تانى

قلوب حائرة يقول...

انا بقى عاوز اناااااااااام طبيعي مش عارفة متعرفش انت

e7na يقول...

طيب لو مخنوق من غير الخطوات دى
اعمل ايه؟؟؟؟؟؟؟؟؟؟؟؟؟؟

nadine يقول...

الدبور

ماشى يا عم
على الأقل انت ليك واسطة
ربنا يسهلله يا سيدى
-------
داليا

ياسلام
نطيلى يا ستى
و نوريلى المطرح
-------
عمرو

اللى عاوز يعيش بقى
ده موضوع تاااانى خالص
حكاية كبيرة
لسة بفكرلها فى طريقة

nadine يقول...

ياسمين

اى خدمة
و كل سنة و انتوا كلكم بخير
-------
أحمد سلامة

دى برضه نظرية
و عموما ربنا يديك الصحة و طولة العمر
-------
micheal

ميغسى يا ذوق

nadine يقول...

إبراهيم

أزيك يابنى انت و هو
طبعا فاكرة
بس معلش أعذرنى
انا بدخل كده سرقة و مش بلحق أكتب حاجة او حتى أفكر
بس هاااانت
--------
mamado

فعلا هم يضحك
نورتنى
--------
بياتريس

و الله لو لقيت اى حل تانى
اكيد هقولك
حتى ذلك الحين
نتشبث بالحياة

nadine يقول...

شريف فهمى

حااااضر
--------
why me

اخيرا ظهرت لولولولولولووووووي
يا ألف نهار ابيض
يا دشليون مبروك
ازيك كده؟
نورت بجد
لو كنت اعرف انك جاى كنت فرشت البلوج رمل
مبسوطة انك ضحكت
ابقى تعالى على طول و ماتغيبش تانى
سلامات
--------
الشيطان يعظ

لو عايز تموت مبسوط
للأسف
معندناش الأوبشن ده

nadine يقول...

اسلام يوسف

لا يا عم
اتكلم براحتك
و إن قلت ماتخافش
و إن خفت ماتقلش
-------
قلوب حائرة

انا عن نفسى لسه ماعرفش
-------
e7na

إطلع فى مظاهرة
او
روح إسمع محاضرة فى اى جامعة
او
اتفرج على التلفزيون المصرى الأرضى
او
يووووووه
دى لستة طويلة

نورتنى و عاود الزيارة


تحياتى للجميييييييع

3abdo me7tas يقول...

عايز تموت بسرعة ؟
تعالى معايا عشان رايح أنتحر