الأحد، ٢٠ مايو ٢٠٠٧

شر لابد منه


إستعنا عالشقا بالله
و هنبتدى خناقات... قصدى إمتحانات من الحد اللى جاى
أمانة عليكوا يا جميع الزائرين
العاملين منكم و الدارسين
ياللى عدى عالتعليم الجامعى الحكومى و لسة عايش
إدعولى
لأ
إدعوا للطلبة الغلابة
إدعوا لإخوانكم فى الأسر
البشرية المعذبة فى السجون الحكومية اللى كان إسمها الجامعات سابقا
ناخد برأة او حتى إفراج
أى حااااجة
بس نخلص على خير


هحاول أخش الكهف و ألم نفسى و أذاكر عدل
عشان دعواتكم تجيب مفعول
مانا لازم اجى على نفسى و احاول افهم المنهج بيتكلم عن ايه

يلا
معلش
مسيرى اطلع من عنق الزجاجة
وفى يوم من الأيام اخلص جامعة
و ابقى فرحة امى و ابويا
عاطلة قد الدنياااااا
نياهاهاااااااااااااااااااااااااااااا

تحياتى للجميع

هناك ٢١ تعليقًا:

REEMOO يقول...

ربنا معاكى يا قمر
ومع اللى بيذاكروا
ان شاء الله هتعدى على الخير
بس انت تفائلى خير
بالتوفيق ان شاء الله

The Alien يقول...

شدي حيلك
وربنا يتمملك بخير
وأشوفك عواطلية قد الدنيا

تحياتي

شادي فايد يقول...

واء

كل الناس بتمتحن

ربنا يعدي الايام دي بقى

صاحب البوابــة يقول...

اسأل الله لكِ التوفيق

تحياتي

Amr Ahmed يقول...

نياههههههههههها

مبروك يا رفيقة نادينوف

انضميتي لقافلة الامتحانات

ربنا معانا

nadine يقول...

reemoo

ايوة يا ريمو وحياتك
إدعيلى
ربنا هيسمع منك
و شكرا ليكى
-------
alien

الشدة على الله
شكرا ليك
يسمع من بقك ربنا :P
هئ هئ
-------
شادى

يااااا نب يا قننى
قصدى يا شادى
ربنا معاك

nadine يقول...

صاحب البوابة

شكرا ليك المساندة المعنوية
تحياتى
-------
الرفيق عمرووووووف

كيفك؟
و كيف احوال علم النفخ على ايديك؟؟
(نياهاهاااااا)
يا رفيقى العزيز انا فى اول قافلة الإمتحانات دى
و ربنا يعينا جميعا

(اقعد ذاكر, و لو عزت حاجة فى علم النفخ قوللى

غير معرف يقول...

ياحبيبتى يابنتى ياضنايا
ربنا معاكى ومعايا ويوفقنا احنا وكل الغلابه والمعذبين والممتحنين فى الأرض
مش مهم هانبقى ايه بعد كده
المهم اننا نخلص ونطلع ويقولولنا كفاره
وبعد كده نفكر هانبقى ايه
ربنا معاكى ياقمر
موووووووووووواااااه
دى بوسه

islamz يقول...

ربنا يوفقك يا نادين .. بجد وحشتينى مووووووووووووووووووووووووت ... يا رب تكونى كويسة وبتذاكرى كويس
خلى بالك من نفسك وطمنينى عليكى .. ومتنسيش تدعيلي :]

تحياتى يا جميل :)

sendbad يقول...

ربنا معاكي وبالتوفيق

الشنكوتي الكبير يقول...

كاس وداير على الجميع
ايييييه كلنا لها يا اختاه
ربنا يوفقك وتخلصي على خير
انا الحمد لله خلصت المرحله دي ونفدت منها اخيرا عقبالك لما تبقي موظفه فاشله زيي
اسلوب هايل ولذيذ بس انا زعلت عشان مش بتعزموني على اجتماعات المدونين هو انا مش بدون برده ولا انا معدي ببيع ترمس يا جدعان لو معزمتونيش المره الجايه هاضربكوا بالنووي
حلوه قوي صوركوا بحب فكرة التصوير جدا بحس اني اخدت حته من اللحظه الجميله وشايلها معايا
وده طبعا بسبب احمد صاحبي هو اللي علمني يعني ايه تصوير
سلااااااااااااااااااااااااااام

micheal يقول...

بالتوفيق باذن الله
تحياتي لكي

غير معرف يقول...

el 7al mn ba3do ya gamel
w el wa7d 3eno tal3a wlahy
el d3wat llgme3 llbra2a en sha2 allah
rabna m3aky w m3ana kolna
some one

الأباصيرى يقول...

وكما قال الممثل القدير سعد زغلول فى ميدان رمسيس


مفيش فايدة

القانون واضح وسهل وصريح
مؤبد يعنى مؤبد

nadine يقول...

وينكى

ايون
المهم نخلص و خلاص
موووواااه
و دى كمان بوسة
وحشانى يا قمر
--------
islaaaaaaaaaaaaaaaaaamz

ايه يابنى الغيبة دى
واحشنى انت كمان
مش اصول برضه تطل على اختك المطحونة؟
و اهو إحنا كلنا مطحونين نواسى بعض
يلا معلش
سماح المرة دى
و ربنا معاك انت كمان
و ابقى طمنى عملت ايه
سلاماااات
---------
sendbad

ايوه إدعى كدا
شكرا ليك

nadine يقول...

الشنكوتى الكبير

بجد آسفة جدا انك ماعرفتش و ماجتش
انا ساعتها ماكنتش اعرف مدونتك عشان كده ماقلتش
عالعموم الجايات اكتر من الرايحات
و انشاءالله لما يتظبط ميعاد تانى هبعتلكجواب بعلم الوصول
ماتزعلش
---------
مايكل

شكرا ليك
---------
داليااااا

ااااه يا بنتى
معلش
دى سنة الحياة
يارب نعدى على خير
تحياتى ليكى و وحشانى قوى
سلام

nadine يقول...

الأباصيرى

شكرااااا
على جرعة التفؤل الزايدة دى

كبير المتشردين يقول...

عارفة لما كنت طالب من فترة قريبة مش بعيدة كنت بدعي اني انجح مع كل صلاة وكل ادان وبعد ما بقيت عاطل قد الدنيا بقيت بدعي اني اشتغل بجد دلوقتي بغني قلت يارتني فضلت صغير زي زمان
بدعي للطلبة والعواطلية بس بدعي اكتر للمطحونين
ربنا يوفقك يارب وتعدي الامتحانات علي خير واشوفك يا ستي مطحونة مش عواطلية

إبراهيم محسن يقول...

بالتوفييييييييييييييييييق

بس انت في كلية ايه بقى؟
علشان اعرف ادعيلك صح
:)

أُكتب بالرصاص يقول...

الامتحانات لسه ماخلصتش والا ايه ؟

ربنا يوفقك
ويا رب
تنجح يا تتح

Shreif fahmy يقول...

http://sfahmy78.blogspot.com/2007/06/blog-post.html
منتظر تعقيبك على البوست الجديد