الخميس، 5 يوليو، 2007

إستيقاظ متأخر

لم تكن يوما "واقعية مع نفسها"
نعم
تعترف بذلك
لم تكن نظرتها للحقائق نظرة مثالية تضع الأشياء فى مكانها الحقيقى و تعطيها حجمها الصحيح
بل كانت نظرتها تترنح بين التهويل و الإستخفاف و ذلك تبعا لحالتها النفسية و المزاجية
تعترف بذلك
و تعترف انها بسبب تلك اللاواقعية، سقطت فى كثير من المآزق التى كان من الممكن تلافيها
و البعض منها مستمر حتى الآن

لذلك كانت كثيرا ما تصطدم مع من حولها، صارخة من داخلها متساءلة
كيف لا ترون ما أرى؟
فى حين انه كان يجب عليها ان تصرخ لنفسها: كيف لا أرى ما يرون؟
ااااااااااااااه

لم تتعمد يوما ان تكذب على نفسها، لكنها كانت تخاف الإرتطام بالواقع، لذلك كانت تنفيه متشبهة بنعام يدفن رأسه فى الرمل ظاناً انه بذلك قد اختباء.
حزينة هى على تلك السنوات، و كل تلك الفرص التى اضاعتها بيديها

"يعيش المعلم و يفضل يتعلم"
افاقت مؤخرا، هزة قوية دفعتها لإعادة تقييم حياتها
و صعقت عندما إكتشفت انها كل تلك السنوات كانت تكذب على نفسها بغير قصد

"اللى فات مات و إحنا ولاد النهاردة"
مرحلة جديدة و فكر جديد(مالوش دعوة بفكر الحزب الوطنى) بدأت تحاول تطبيقهم، و ها هى تخوض اولى تجارب المرحلة الجديدة محاولة إصلاح ما اتلفته قبلاً
الآن بدأت تشعر بالراحة

(ما اقسى ان نكذب على انفسنا ظانين اننا نحميها، فنحن بهذا لا نجرح أحداً سوانا

-----------------
تحديث:

الكلام اللى مكتوب فى البوست ده خلانى افتكر فيلم بحبه قوى، فكرنى بالشيخ حسنى فى فيلم الكيت كات
الشيخ الضرير اللى ماكانش عايز يصدق انه ضرير؛ ساق الموتوسيكل، جدف فى النيل..... و حاجات تانية كتير وقعته فى مشاكل
و كلللللللللللللل ده عشان مكانش عايز يصدق ان عنده مشكلة

بس كلام جه فى بالى قلت اكتبه
سلام :)

هناك 14 تعليقًا:

micheal يقول...

ممتاز ما كتبتي يا نادين
المهم الواحد يتعلم بعد كده ازاي يتعامل مع الواقع
تحياتي لكي

maha يقول...

سلام عليكم يا نادين
ياااااااه
اخيرا بوست جديد
كنتي وحشاني اوي
حمد لله علي السلامة
:)
.....
جد بقي عشان البوست

نادين
مش غلط اننا نعيش غلط و لكن الغلط اننا نعيش غلط و نعرف و نكتشف انه غلط
و نكمل حياتنا بنفس الطريقة
احنا بشر ...ممكن تتداخل علينا امور ..تخلينا تحديدا في الزمن اللي احنا عايشين فيه - اللي تساوي فيه الغلط و الصح - ان الانسان ميعرفش هو صح و لا لا ..هما الناس بيفكروا صح و انا اللي غلط و لا العكس ..

الجميل انك لاقيتي الطريق الصح للتفكير و ده اكيد هياثر علي قرارات كتيرة في حياتك
متاخديش التعديل الحياتي ليكي بطريقة تقلقك او تعتبريها ازمة ..
بالعكس ...فكري ان ممكن لو كانت رؤيتك للواقع اتاخرت فترة كمان ..كان ممكن تخسري حاجات اغلي و اكتر من اللي ضاعت قبل كده

انسي اللي فات و امحيه من ذاكرتك ..
ابدائي من الاول
سنة اولي حياه بعد قرار مهم
ربنا يوفقك
ابتسامة جميلة خليها معاكي دايما
ربنا يوفقك في حياتك ان شاء الله
متتاخريش علينا في البوست الجاي

نورتي بعودتك سماء التدوين
:)
سلام
مها

maha يقول...

سلام عليكي يا نادين
اولا حمد لله علي السلامة بعد فترة غياب طويلة جدا
ثانيا
تاني مرة اكتب كومنت هنا لان الاولاني ضاع .
يلا حصل خير المهم
متضايقيش يا نادين لو كنتي في فترة مش عايشة بالطريقة الصح اوي
احنا في زمن تشابه فيه كل شئ و للاسف نادرا ما بيكون فيه توافق بين تفكير الفرد و تفكير المجتمع كله
كأن كل منهم في عالم
الغلط مش انك تعيشي بطريقة غلط ..انما الغلط انك تعرفي انه غلط و مع ذلك تكملي حياه بنفس المنهج و الطريقة
افرحي يا نادين و ابتسمي و فكري ...
انتي اخدتي قرار مهم في حياتك ...ممكن لو كنتي اتاخرتي شوية كنتي خسرتي حاجات اغلي و فرص في حياتك كانت ممكن تفرق كتير معاكي
و بالنسبة للي ضاع ..متزعليش عليه ..نصيب و الحمد لله علي كل شئ ..
ابتسمي و عيشي اول سنة بعد اهم قرار و اعرفي ان معاكي ربنا ان شاء الله يوفقك
ربنا معاكي
نورتي سماء التدوين
سلام
مها

mariam يقول...

المهم ان هى اكتشفت الحقيقه
كلنا ساعات بنكدب على نفسنا من غير قصد
لكن يا ريت نعرف الحقيقه
تحياتى

lockash يقول...

يا سلام لما يكون الواحد أول تعليق احساس جميل وغريب..
و جميل كلامك و تعبيرك و غريب فعلا اللي كتباه..
جميل ان الواحد يكتشف في نفسه حاجات ماكنشي شايفها او بيحاول مايشفهاش. غريب انه عايش بيها و احتمال بعد مايكتشفها يفضل عايش بيها.
جميل اننا نحاول نغير من نفسنا و من اللي حولينا.وغريب اننا نفقد الأمل في التغير و ننام في الخط.
جميل اننا نفوق و نصحي و غريب اننا نرجع ننام تاني و نرجع لمشاكلنا.
جميل كلامك جميل تعبيرك,غريبه اننا بنعرف نشوف نفسنا من نفسنا..

The Alien يقول...

هي الحياة دايما كدا
ودايما هنفضل نتعلم
ونكتشف إننا لازم نغير

كويس إنها عرفت إن فيه حاجة غلط
وكويس كمان إنها قررت تغير
غيرها عاشوا وماتوا من غير ما يعرفوا

تحياتي

whyme يقول...

الصدق مع النفس اول مراحل الحكمه الفكريه فحسناً جداً انها بدأت هذه المرحله و حسناً اكثر ما سوف تستطيع رؤيته بوضوح و بغير تعتيم

هنيئاً لهاااااااااااااا

تحياتى يا صديقتى العزيزه

nadine يقول...

انا جييييييييييييت
معلش كان فيه مشكلة فى البلوج كانت مش مخالية الكومنات تظهر
بس ادينى صلحته اهه

micheal

شكرا ليك
مبسوطة انه عجبك
تحياتى

nadine يقول...

maha

الله يسلمك يا جميلة
معلش
كنت فاكرة انى بمجرد ما هاخد الإجازة هيبقى شغلى الشاغل البلوج
بس للاسف ده كان مجرد حلم
يلا معلش

اما عن تعليقك عن البوست
بجد كلامك أثر فى و لمسنى
و كل كلمة قلتيها صح جدا
بشكر ليكى جدا كلامك المشجع
:)
مش لاقية كلمة غير شكرا ليكِ يا مها

nadine يقول...

mariam

ايوه
المهم نكتشف الحقيقة
تحياتى لكِ و ارجو دوام الزيارة

nadine يقول...

lockash

هههههههه
معلش مطلعتش اول تعليق
ده كان فيه مشكلة بس مش مخلية الكومنتات تظهر
بس خلاص كله اتظبط دلوقتى
عموما كأنت اول واحد علق :) ولا تزعل نفسك

شكرا لكلامك
و المهم اننا نشوف نفسنا من نفسنا صح
مش نشوفها زى ما إحنا عايزين
تحياتى لك و ارجو تكرار الزيارات
--------
alien

ايوة
وهو على الأقل تصلح حياتها و بيقى اللى جاى احسن ماللى فات
شكرا على تعليقك اللى فيه المختصر المفيد
و سلامى ليك يا بيشوى
-------
whyme

يااااااه
إحنا فين و الحكمة فين
بس اهو ادينا بنعافر يمكن نفهم الدنيا و نفهم نفسنا
عادى
c'est la vie
:)
سلامى ليك يا صديقى العزيز

بيسوو يقول...

معبر...معبر...معبر
لما تحسي ان في كلمة لمستك لازم تقولي
اديني بقول علشان انا بدأت اخاف منك بجد...بحس اني ببص في مراية يانادوو

افضلي اتعلمي ومش غلط انك تغلطي لا انتي اول ولا اخر الي غلطوا

bos bos يقول...

طول ما الواحد عايش هايفضل يغلط ويتعلم ويتعلم أكتر
تحياتى لكى

nadine يقول...

bisooo

شكرا ليكى
مبسوطة ان البوست عجبك
تحياتى يا احلى بيسو
-------
bos bos

صح
و ما الحياة إلا مدرسة كبيرة
تحياتى