الاثنين، ٢٣ يوليو ٢٠٠٧

نزلة حب

احيانا
و دون ان ندرى، و الأيام تمر فى ملل و رتابة
يتخلى القلب عن كهفه الهادئ
و يخرج فى براءة طفل يحاول الإمساك بشعاع الشمس
فإذ به يأتى ، منكس الرأس دامع العين
ككثير من الأطفال عندما يدركون انهم إرتكبوا خطأ ما رغما عنهم
يأتى قائلا: آسف، لقد اصبت بنزلة حب
فيجرى العقل كالأم الملهوف بحثا عن علاج
و لكن عجبا
اجد القلب فرحا، متقبلا مرضه، بل و يرفض الدواء
و ما بيد العقل حيلة
فمهما نهت الأم صغيرها عن اللعب باعواد الثقاب، فهو لا يتعلم إلا عندما يذق نيرانها
و على هذا الأساس
يتصرف القلب كما يحلو له، منساقا خلف سراب، حتى يأتى اليوم الذى يدرك فيه....... مدى خطؤه

هناك ٢٤ تعليقًا:

islamz يقول...

يخرب عقلك يا نادوووو
ايه التعبيرات الجامدة والتشبيهات الحلوة دى :]
لا بجد مش لاقي كلمة غير ممتعة بجد ..

وحشتينى والله ووحشنى بوستاتك :]

وانا اول واحد .. هييييييه

Nadine Alfred يقول...

islaaaaaaaaamz

اخيرا
مبسوطة قوى انك اول واحد و مبسوطة بتعليقك
بجد شكرا ليك جدا عالكلام ده اللى انا ماستهلهوش

انت كمان واحشنى و معلش انا بقالى فترة مش بزورك
معلش

بجد مبسوطة بزيارتك
شكرا ليك
سلام

Amr Ahmed يقول...

حلو اوي البوست يا نادو

وبسيط وكلماه معبر

رائع

تحياتي

The Alien يقول...

موافق إنه هيغلط كتير
بس دا اللي هيساعده عشان ينجح
وساعتها مش هيندم علي الغلط القديم

كلماتك سهلة وجميلة
تحياتي

Nadine Alfred يقول...

amr

شكرا جدا
مبسوطة انه عجبك
تحياتى ليك
------
alien

عندك حق
و احيانا كمان بيبقى ارتكاب الخطاء وسيلة فعالة للتعلم العملى
شكرا لكلامك
سلام

غير معرف يقول...

مبروك يا جميله الف مبروووووووووووووووووك
عقبال لما تخلصى كده الكليه على خير
كلماتك لذيذه ورشيقه موت ومن القلب تمام
على فكره
حفلة أيامنا الحلوه يوم 27 يوليو الساعه 8:30 فى ساقية الصاوى
اكبر تجمع بلوجرى اوعى يفوتكو
Blogger Radio Station

Ahmed EIssa يقول...

حلو قوي التركيز اللي في البوست ده
بداية قوية ووصف قوي..ونهاية قوية

بس هو فيه حاجة
يدرك فيه مدي خطؤه

بس بجد بوست حلو قوي

يلا سلام

micheal يقول...

ايه الرومانسيه دي كلها
:)
تحياتي

basma saghir يقول...

محدش بيتعلم من غير ما يغلط
ساعات بنكون غلطانين وساعات الغلط بيوصل لمرحلة منقدرش معاها انه يتصلح..بنضطر اننا نرضى ونقبل الامر الواقع..مهو مفيش قدامنا غير كدة

ربنا يسامحك بقى على البوست التحفة ده

Unknown يقول...

جميل اوى اوى اوى كمان يا نادووو
التعبير ده بجد زى السكر

للاسف فعلاً فى اوقات معينه بيكون الحب فيها مرض و ده مش عيب فى الحب نفسه لأ ده عيب فى اختيار الوقت و الزمان الى بيوهمنا ان ده حب

نزلة الحب دى اكيد مش حب حقيقى بس خدى بالك و ادفى كويس و اشربى حاجه سخنه لان نزلة الحب مبططلعش بسهوله


تحياتى يا صديقتى العزيزه
و كمان مره البوست حلووووو اوى

-_- يقول...

نزلة حب جامدة

اعتقد انها مش هتمر بسلام

Reemo يقول...

وللأسف اننا سعات بنتلسع من نيرانها
لكن برده مبنتعلمش
ونلاقى نفسنا رايحين ناحيه النيران مره تانيه
حلو اوى يا نادو
تسلم ايديكى
قبلاتى

Nadine Alfred يقول...

وينكى

شكرا ليكى يا قمر
و مبروك ليكى انت كمان
--------
احمد عيسى

شكرا لكلامك و تعليقك
و شكرا كمان على تصحيحك
شرفتنى بالزيارة

Nadine Alfred يقول...

micheal

وانت الصادق
دى رومانسية جاية على دماغى
يلا معلش
تحياتى لك
---------
بيسوو

ايوة يا بيسو عندك حق
و انا كان نفسى الحق الغلط قبل ما يقع
بس سبق السيف العزل
شكرا ليكى يا سكرة

Nadine Alfred يقول...

whyme

للأسف انا عارفة انه مش حب حقيقى
كنت اتمنى كده، بس الواقع حاجة تانية
ماتخفش
هخف قريب
شكرا ليك
-------
sharm

إدعى بس الموضوع يخلص بسرعة و بدون خسائر

تحياتى و ياريت دايما تنورنى

Nadine Alfred يقول...

reemo

ازيك يا ريمو يا جميلة
كل اللى قلتيه مظبوط
الواحد كتير بيقول لنفسه المرة دى غير كل مرة
بس بيرجع يرتكب نفس الخطأ لحد ما يتوب
سلام

Samir Saad يقول...

يا ريتني اخد نزلة حب من دول. عارفة انا كل علاقتي بالحب نظري. انا متأكد ان الحب شئ صحي لحياتي بس مش بالعافية.

بوست رائع
تحياتي

smraa alnil يقول...

وحتي لو ادركنا اخطاؤنا
تفتكري هنتعلم

طبعا لا
لان الحب يقبع بداخل قلوبنا

أسوور يقول...

احلى تعبير سمعته على الحب
نزلة حب
تحياتى

غير معرف يقول...

سلام عليكي يا نادين
:))))))))))
انا مش هقول الا اني فرحانه ليكي اوي
ربنا يفرحك دايما يا رب
سلام
مها

أنا حر يقول...

الحب مش مرض... ده علاج للمرض اوقات العلاج بيخدر وبيتعب وبيموت كمان بس النتيجة ان احنا بنكون احسن كتير بعد كده
متعة الحب في عذابة
تحياتي

islamz يقول...

انتى فيييييييييين يا نادييييييييين
ارجعى ربنا يهديكى ..

شكلك كده بتصيفي :]
يا رب تكونى بخير
اول ما ترجعى ابقي رنى الجرس ولا اعملى اى حاجة .. ولا لازم افضحك بالعشييين جنييه

Nadine Alfred يقول...

samir

اشكر ليك مرور و تعليقك
زيارتك اسعدتنى
--------
سمرا

عندك حق
عمرنا ما هنتعلم
لأن الحب يقبع بداخلنا
كلامك دايما مفيد و جميل زيك يا انوج
نورتينى بجد
--------
ياسمين

مبسوطة انه عجبك
مع انه طلع فى وقت مش ولابد
شكرا ليكى يا سكر عالزيارة

Nadine Alfred يقول...

maha

شكرا ليكى يا قمر و شكرا لزيارتك
-------
انا حر

عجبتنى قوى جملة
متعة الحب فى عذابه
صحححححححححححح جداااااااااااااااااا
-------
اسلامز

انا رجعت اهه
معلش
شرح الغياب فى بوست جديد
المهم انت عامل ايه؟
واحشنى قوى
(انت لسه مانستش العششييين جنيه دى؟ :P