الأحد، ١٩ أغسطس ٢٠٠٧

ضجيج

و الناس فى الشارع يتهامسون... يتحادثون ... يتضاحكون ... و يتشاجرون
ابواق السيارات من كل اتجاه تصرخ هى الأخرى
و الإنارة الحادة المبهرة تساهم بقدر لا بأس به، فيصنع الكل لحنا شاذا لأوركسترا تعزف ألحانا متناقضة
تحتضن رأسها براحتيها كأنما تحميها من آثار ضوضاء لامفر منه
و تقرر ان تهرب من الضوضاء .... تجرى خارج الشرفة و تسرع بغلقها
و تقف برهة تلتقط هدوئها فى بعض من الجو الصامت
و تتأملهم من خلف الزجاج، الناس و الأنوار و السيارات
و تذهب بذهنها بعيدا
و يتعالى صوت ضجيج من نوع آخر، ضجيج داخلى لايمكن إسكاته، آخذا فى التصاعد كالبركان الذى يستد للإنفجار، مرسلا رسائل من دخان و حمم
تدرك انه لا فائدة، إن ظلت لحالها هكذا،فى هذا الهدوء طويلا، حتما سينفجر البركان الذى كثيرا ما سعت لإخماده
و تدرك ان ضجيج خارجى ارحم بكثير من ضجيج داخلى لا يهدأ
فما هى دقائق إلا و كانت تهرع باتجاه الشرفة لتفتحها على مصراعيها، تحاول الهرب من شئ يعيش داخلها

هناك ١٩ تعليقًا:

غير معرف يقول...

سلام عليكي يا نادين
ياااه و كمان بعد غياب انا اول واحدة ؟
الضجيج اللي جواه كل واحد منا يكفي انه يقضي علي صوت اعلي بركان في الكون
البوست مع انه مش مليان كلام بس المعني فيه واضح و جميل اوي
جميل اوي يانادين و اعذريني للتاخير الطويل
سلام
مها

islamz يقول...

pour sûr le conflit d'intérieur est plus dur que le conflit d'extérieur que nous pouvons commander notre vie extérieure mais quand nous nous disputons avec nous-mêmes nous ne pouvons pas avoir la commande. ne me demandez pas pourquoi je ne commente pas en arabe. même i, je pas ai su

Ahmed EIssa يقول...

احلي احساس لما تشوفي الحياة كلها بزحمتها بدوشتها بكلام بيتقال ملكيش فيه نصيب وانتي واقفه بعييييييييييد فوووووووووق بتتابعي بكل اللي بيحصل بصمت

وده اللي حسيته فعلا من وصفك المركز جدا

وكتير قوي بيبقي الصخب الداخلي ارحم كتير قوي من اي صخب

نهاية قوية فعلا
بوست حلو بجد يانادو بعد غياب
يلا سلام

The Alien يقول...

المشكلة ف اللي مش قادر يستحمل لا الضجيج اللي برة ولا اللي جوه
ومش عارف يهرب يروح فين

متبقيش تغيبي كتير
تحياتي

smraa alnil يقول...

اوقات كتيرة اوي

بنهرب من شئ لشئ قد يكون العن
وقد يكون اقل لعنه

اوقات بنهرب وبس لمجرد الهروب
عشان مش عايزين نسمع اللي جوانا
بالرغم اننا لو سمعناه هنلاقي الصح
اقلها هنعرف طريقنا فين وازاي

انا رايي
انك تخليها تقفل الشرفة
وتسمع لصوتها الداخلي

تتلم معاه
تناقشه
هو بءيوجع اوي

بس هترتاح بعدها


*****

ايه يا عم اسلام يا بتاع اللغات انت

انت يا ابني مش تقعد هنا بقي
انت تسافر وتعيش بره

انا عرفت انت كاتب ايييييييه

islamz يقول...

معلش يا نادين هنقلبها شات مصراوى عندك هنا ...

ماشي يا سموورة انتى بتتريقي على فكرة انا اتحدث الفرنسية بتلاكة - يا واد انت يا جاك شيراك - مين قال كده .. انى اتحدث الفرنسية بتلاكة ولا اجيد اللووووغة العارابية - شفتى مش عارف اكتب عربي ازاى - ماشي يا انجى يا فضحانى انتى فى كل حتة .. بس بجد عرفتى انا كاتب ايه ولا لسه بترجمى هههههههههههه

تحياتى .. ومعلش بقي يا نادين ربنا رزقك باتنين طقين انا وانجى ...

Nadine Alfred يقول...

maha

فعلا، احيانا بيبقى الضجيج الداخلى عالى جدا لدرجة تخلينا مش عارفين نتعامل مع الحياة براحة

حمدالله على السلامة يا مها، و ماتقطعيش الزيارات تانى
------
monsieur islam

vous avez raison, le mal interieur peut eviter la personne a vivre d'une facon normale
en ce cas il est considere comme non vivant... puisqu'il ne peut pas penser et agir puremet
c'est pas une vie...aussi l'idee de la fuite n'est plus une solution

merci bien pour ta unique participation :D

micheal يقول...

ما أصعب الضجيج الداخلي فعلا
تمنياتي بالهدوء
تحياتي

basma saghir يقول...

كفارة ياست نادين
والله ليكي وحشة قد كدة
انتي عارفة يانادة لما ساعات بتكوني قاعدة لوحدك والدنيا ساكتة وتسمعي دوشة بس من غير مايكون حد عاملها..زمان لما كنت اصغر واقل وعي كنت بخاف منها وبفتكر ان البيت مسكون بس دلوقتي عرفت هي جاية منين اتضح انها مني انا وان الدوشة دي مصدرها حاجات جوايا افتكرتها لما قريت بوست العودة بتاعك ده
متغيبيش تاني ابدا واكتبي حتى لو حسيتي ان كلامك كلام فارغ وعبيط

basma saghir يقول...
أزال المؤلف هذا التعليق.
Nadine Alfred يقول...

احمد عيسى

ممكن برضه
او ممكن تيجى بالعكس...ان الضجيج الداخلى اسوأ من الخارجى
و ان ممكن تكون واخد موقف المتفرج اللى واقف بعيد لمجرد انك فعلا مش قادر تتخطى اللى جواك و تبقى عضو فعال فى الحياة

نورتنى، و عجبتنى وجهة نظرك
---------
the alien

نصيحة
احسنله مايهربش
الهروب عمره ماكان حل
سلامات يا بيشو :)

Nadine Alfred يقول...

سمورة

صح كلامك
و المشكلة انها هى كمان عارفة ان الهروب مش حل
بس التنفيذ دايما بيكون صعب
معلش
واحدة واحدة هتعرف ازاى تصلح اللى جواها

منورانى يا انوج و واحشانى قويييييييييييييي
-------
مسيو اسلام

يا فندم البلوج كله تحت امركم
بس انت و سمرا تعالوا بس
زورونا تجدوا ما يسركم

اما بقى بالنسبة للفرنسية اللى بتلاكة
فا انا شايفة انك خلاص كده بقيت محسوب علينا فرنساوى، الحق خدلك كورسات عربى قبل ما تنساه
ههههههههه
دمك سكر

Nadine Alfred يقول...

مايكل

شكراااااااااا
فعلا هى بحاجة للهدوء
---------
بيسووووووو

وحشانيييييييييييييييي يا بنتى
وينك؟ اختفيتى فين؟؟؟؟
عموما ويلكم باك يا جميل

لا يا بيسو
ده طلعت الدوشة كلها من جوانا
و لو حلينا الدوشة الداخلية دى، مش هنشعر بالدوشة و الضجيج الخارجى
لأن كل ده ماهو إلا إنعكاس للإضطرابات اللى جوانا

وحشانى قوى بجد يا بيسو
و سلميلى على سارة
سلام يا سكرة

lockash أحمد تمام يقول...

وسط الزحام فيه ركام للناس والمشاعر و الكلام.

فيه خنقه فيه خناقه فيه عطس وفيه زكام.

فيه محبين و ايدين ماسكه الإدين..

فيه بنت وولد ماشيين، وشهم فرحان مبسوط و عنيهم بتقول حب و غرام..

في وسط الزحام كتير كلام

أُكتب بالرصاص يقول...

متهيألي
احيانا
الضجيج الداخلي ارحم


حد يستحمل برضه اصوات التلوث السمعي والبصري والشمي بتاع الاتوبيسات والميكروباصات في الحر دا


لا
انا هاقفل الشباك والباب كمان

Unknown يقول...

الضجيج الخارجى متاهه بتنسنا الدوشه الى جوه
ولكن مش هينفع الهرب على طووووول لازم نيجى فى يوم و نقدر برضه نقفل الشبابيك الى بتمنع عننا الدوشه الى جوه

بوست جميل ومليان بالاحساس بلحظه بتمر علينا كتيررررررررر و ساعات بنشوفها حل ولكنها ابداً مش حل


تحياتى يا صديقتى العزيزه جداً و شكراً على سؤالك عليا

~ Bato0ot ~ يقول...

ad eh herobna mn el dageeg el dakhly .. byzwedo w kol ma nafkar nerg3lo nel2eh a3la w mn2drsh nst7mlo .. el a7san nehdeh .,.. nenghmo .. nkhleeh la7n gamil n2dr ne3esh feeeh ...

m3na gamil awy kolna 3aysheen feh ya nadine.. (Y) raw3a

Nadine Alfred يقول...

lockash

شكرا لتعليقك جدا
فى الزحام فيه حاجات كتير مش بناخد بالنا منها
شكرا ليك مرورك و ارجو دوام الزيارة
--------
اكتب بالرصاص

والله هى وجهات نظر
و قدرات خاصة
نورتنى، و مبروك للمولودة الجديدة

Nadine Alfred يقول...

to whyme

هى فعلا للأسف لحظة بتمر علينا كتير
و للأسف بره وقتها مش بنبقى قادرين نواجهها، فبنهرب

تحياتى ليك يا صديقى، ولا شكر على واجب
---------
to batooot

thx batooot lekalamek
wel aham shokran lezeyartek
nawartini