الاثنين، ٣ سبتمبر ٢٠٠٧

حكاوى عالماشى

بحب اتنين سواااااااااااااا يا هنايا فى حبهممممممممممممم
و بحب اتنين سوااااااااااااااا يا هنايا فى حبهممممممممممممم
الميه و الهوا طول عمرى جمبهمممممممم


ازيكوا جميعا
وحشتونى قويييييييييييي زوارى الأعزاء
معلش استندلت عليكوا و سبتكوا لحر القاهرة و رحت انا مطروح
مش قادرة احكيلكوا قد ايه الواحد كان بيتكتك مالبرد بالليل
ولا الصبح، هوا عالبحر يطيرك
الا صحيح هى الحرارة فى القاهرة فعلا وصلت لل40 درجة؟
هههههههههههه
طبعا انا لا بغيظكوا ولا حاجة
لا ضغينة
اما حصلى هناك حتة موقف
تعالوا اما احكيلكوا
احنا كنا سافرنا مع العيلة
و كل واحد طبعا كان جاى بمراته و عياله
فكان عندنا ثروة طفولية هايلة... ولاد خالى على ولاد خالتى على اخواتى
على عيال الناس اللى فى القرية
انا قلت يا بت يا دندن نستغل دوشة العيال دى فى ايييييه؟ فى اييييييه؟؟؟
بس
مفيش غير نعمل ماتش كورة كبييييير
و عنها، رحت جمعت كل العيال الصغيرة اللى فى المصيف و عملنا فريق، و الكبار مع بعض فى فريق
و حيث انى اكبر العيال اللى فى فريقى فكنت انا الكابتن
و ابتدى الماتش
و العيال يباصولى
و انا اشوووووووووووووووووط
و فى مرة....جاتلى الكورة..... و بينى و بين المرمى بتاع مترين
رحت ظبطت الكاب على دماغى، نزلتها على عينى بحيث انى ماشوفش غير الكورة و هى بتدخل الجون
مكدبتش خبر
و اندمجت فى الماتش ولا كأنى فى كاس العالم
رحت جريت بالكورة ناحية الجون
و خير اللهم اجعله خير
لقيتنى بطييييييييييييييييييييير لورا و وقعت عالأرض
اى نعم انا كان كل حتة فى وجعانى، بس كنت مذبهلة
لقيت شوية العيال من فريقنا جريوا زى الجراد يدوروا على امى و ابويا
و الباقى كان فوقيا
و انا عايزة اقوووووووووووووم
شيلوا العيال دى من هنا
المهم، فييييييين بقى لما عرفت ان سيادتى اندمجت جدا فى الماتش لدرجة انى رشقت فى العارضة
كان شكلى وحشششششششششششششششششش
فإلى جانب البقليلة اللى طلعتلى فى نافوخى، و مناخيرى اللى اتلوحت، و شفتى اللى اتفتحت، و سنانى اللى اتلخلخت
بعيد عن ككككككككككككككككككلللللللللللللل ده
سمعتلى شوية كلام من اللى اعرفهم و ماللى ماعرفهمش:
هو انت ناقصة، كل سنة تطلعيلنا بإصابات....مش تخلى بالك بقى انت مبقتيش صغيرة.....يا بنتى بطلى جنان بقى عندك عشرين سنة و لسه معقلتيش
و كلام كلام كلااااااااااااااام


و انا وسط كل ده
رحت سألت عيال الفريق
هو احنا جبنا جون؟؟؟؟
و لقيتلك كلللللللللللللل اللى كان واقف تنح، و بعدين قعدوا يضحكوا
و اطمئنوا انى بخير و مفيش فى حاجة و انى لسه بجناجى
و شوية كده، اتسحبت من ورا امى و ابويا و خدت العيال و رحت دخلت جول
جووووووووووووووووووووووووووووووووووووووول
و كسبنااااااااااااااااااا
هيييييييييييييييييييييييييييييييييييييييه

هناك ١٢ تعليقًا:

The Alien يقول...

حظك حلو إني خلاص هاخد أجازة وأسافر قريب
وإلا كان زماني بحقد عليكي

شكلك إتبسطتي وطول ما الإصابات سطحية
يبقي كله تمام

تحياتي ومتغيبيش كتير

islamz يقول...

والله انا قلبي كان حاسس انك بتصيفي وعشان كده مطنشانا .. ههههههه خبطى فى العارضة ههههههههههههههههه
ده اكيد كل اللى على الشط كانوا بيتفرجوا على كابتن ماجد اللى انتى كنتى عاملاه ده ..
وايه يعنى حسيتى بالبرد بالليل فى مطروح منا كمان بشغل التكييف واستنى لحد ما ابرد .. ههههههههههههههههه

ولا حقد ولا حاجة ان شاء الله اخلص اللى ورايا وانطلق على الساحل الشمالى تانى .. جااااااااااااااااااايلك يا سااااااااااااااااااحل
جاااااااااايلاااااااااااك يا حبيييييييييبببببببببببييييييييييييي

ولا عزاء للبتنجان .. حمد لله على السلامة يا نادين منورة البلوج :]

Amr Ahmed يقول...

حمد الله علي السلامة

يا بخخخخخخخخختك

ان مصيفتش

الصيف ضاع بسبب الزفت الشغل

عاااااااااااااااا

يللا نورتي بلوجايتك

Nadine Alfred يقول...

alien

ههههههه
طب الحمدلله
انا فعلا اتبسطت
و لأول مرة احس انى اخدت اجازة بجد

هو ليه ماينفعش تبقى حياتنا كلها اجازات؟
-----------
islamz

قلب الأم بقى
مبسوط قوى انى خبطت فى العارضة؟؟؟؟
مااااااااااااااااااااشى يا سيدى
بس خلى بالك
الدنيا دواااااااااااااااااارة
يا عم دوااااااااااااااارة
هههههههههه
نورتنى يا عم انت
و عقبال ما تاخد اجازتك انت كمان

Nadine Alfred يقول...

amr

ياعم روح صيف
محدش واخد منها حاجة

سلامات

Layla يقول...

هههه...حمد الله على سلامتك...هو دائما اللعيب الجامد بيتكسر عشان العين بتبقى عليه

وانا اقرا واستغرب..ازاي وهي بتجري لقدام وقعت على ظهرها..اتاريكي لبستي في حيطة

الحمد لله انها جت سليمة وانكوا كسبتوا

micheal يقول...

هلا هلا هلا هلا عليكي يا نادين
:)
تحياتي

أنا حر يقول...

حمدالله على السلامة بس انا كان نفسي اتفرج على الماتش ده.... هو كان متشفر ولا ايه؟؟
تحياتي

البِـئرُ والظمّأْ يقول...

ههههههههههه
السلام عليكي الاول يا دندن
بجد ضحكتيني بكلامك قوي برغم حاله الاكتئاب اللي كنت فيها
انتي لزيزة قوي
مش المهم جبتي جوووون ؟
هههههه
تحياتي يا قمر
زورينا بقى
سلام
زيزي

islamz يقول...

كل سنة وانتى طيبة يا نادين رمضان كريم

mariam يقول...

ايوه يا ستى
بتصيفى و سايبانا هنا
ماشى ماشى
بس ايه ده كله تحفه حكاية الماتش دى

و يا ريت اوعى تبطلى جنان
لأنه احلى حاجه اساسا و انا هتلاقينى معاكى على الخط

Unknown يقول...

اظرف تعليق على اظرف ماتش بجد ضحكتينى اوى يا نادددوووووووو

و كمان الجون الاخير عجبنى اوى

و متبقيش تطولى علينا و عايزين نشوفك قريب و لا انتى خلاص احترفتى و هتنسينا

و لا احسن تكونى رشقتى فى عارضه تانيه ولا حاجه تبقى تطمنينا عليكى و خلى بالك من العورض

تحياتى يا صديقتى العزيزه