الخميس، ٤ أكتوبر ٢٠٠٧

إحياء الحياة

الانسان
تواجهه مخاوف،
فيقرر ان يبتعد عنها و يهرب
و يصبح سجين فى داخله
خائف من مواجهة ما يسميه " المنطقة المظلمة فى حياته"
يوهم نفسه انه بتاجهله هذا يكون قد تخلص من ذلك الأسود القابع فى نفسه
لكنه فى حقيقة الامور يزيد من رصيد مخاوفه
و يتقيد برباط خفى صنعه بيديه
إلى ان يأتى يوم يختنق فيه
بعد كثير من الركض خوفا من شئ اصبح مع الوقت غير واضح
فيتوقف
و فى لحظة شجاعة، او قل جنونا
يقرر ان يقف و ينظر خلفه ليرى ذلك الشئ الذى ظل يجرى مبتعدا عنه لوقت طويل
و إذ به يفاجاء ان مخاوفه تلك ليست بذلك الحجم الذى كان يتخيله
و ان العناء و التعب اللذان بذلهما فى الهروب كان يمكن تكريسهما فى المواجهة
و هنا تتكشف الحقائق
اننا عبيد اوهامنا إذا انصعنا لها

هناك ٢١ تعليقًا:

ذو النون المصري يقول...

سليم
ممكن يلاقي مخاوفه اقل مما يتخيل
لكن ممكن ايضا يلاقيها اكبر مما تخيلها
لانها ممكن تكبر بسبب الاهمال في العلاج
موضوع جيد
كل سنه و انتي طيبه
تحياتي

micheal يقول...

الله عليكي يا نادين...لديكي قدره رائعه علي التعبير
تحياتي لكي و كل سنه و أنتي طيبه

basma saghir يقول...

صح...احنا دايما كدة..وان كنا مش بنعترف بكدة...ساعات بنبقى اجبن خلق الله لدرجة اننا نهرب من نفسنا ومن الي جوانا ومن كتر خوفنا مش بنبص كويس حوالينا

في الجون ي نادو

islamz يقول...

كلامك واقعى يا نادين
فالخوف مثل الوحش
نرهبه من مظهره الخارجى ولكن مسألة التعامل معه قد لا نفكر فيها لماذا ؟؟ لاننا خائفين من مخاوفنا
لا نعالجها بحكمة وهذا قد يزيدها ..
ولكن اذا تعاملنا مع مخاوفنا
من منطلق قل لن يصيبنا الا ما كتب الله لنا
سوف تتبدد المخاوف وتنجلى ..

بوست جميل :]
كل سنة وانتى طيبة يا نادوو

Nadine Alfred يقول...

ذو النون الصمرى

كلامك صح
عشان كده لايجدى الهروب من الأول
شكرا ليك
و كل سنة و انت طيب

--------
micheal

منور يا باشا
و شكرا ليك انت عللا كلامك
نورتنى

Nadine Alfred يقول...

بيسوو

شكرا ليكى يا بسبس
بجد صديقى اعتز و افتخر بيها
ربنا يخليكى

--------
اسلامز

هى الفكرة انه الحياة فى هروب مستمر بتخلى الواحد عايش فى سجن
و دى مش عيشة

مش دايما هنبقى اقويا و نقدر نحل كل مشاكلنا
بس عالأقل مانهربش و مانتظاهرش بان مافيش حاجة

تحياتى ليك يا صديقى
و كل سنة و انت طيب

Ahmed EIssa يقول...

احنا اللي بنبني معابد كبيرة من الخوف والرهبة ونقدسها ونبجلها ونكبرها لحد متسيطر علينا

انا كتبت الجملة دي في بوست قبل كدة

في الوجدان الجمعي بيسيطر الخوف من حاجة معينة جيل ورا جيل لحد مييجي جيل بيخاف من حاجة معينة من غير ميعرف هو خايف منها ليه..دي من نظريات يونج عالم النفس المعروف

يقرر ان يقف و ينظر خلفه ليرى ذلك الشئ الذى ظل يجرى مبتعدا عنه لوقت طويلو إذ به يفاجاء ان مخاوفه تلك ليست بذلك الحجم الذى كان يتخيلهو ان العناء و التعب اللذان بذلهما فى الهروب كان يمكن تكريسهما فى المواجهةو هنا تتكشف الحقائقاننا عبيد اوهامنا إذا انصعنا لها

عندك حق

بوست جامد

كل سنة وانتي طيبة وعيد سعيد عليكي ان شاء الله

بيجاسوس المصرى يقول...

اولا انا مش هعلق على البوست خالص و اقولك
بس متأخريش الغيبة علينا مش كل مرة كده تغيبى علينا مده بس المرة دى شكل المدونة جميل جدا جدا


و عيد سعيد عليكى و كل سنة وانتى طيبة

غير معرف يقول...

صح
كلامك صح قوى قوى
زمان قالوهالنا فى الامثال
اللى تخاف منه ..مايجيلك احسن منه
احنا اللى بنهول واحنا فعلا عبيد اوهامنا
كلامك معبر جدا جدا
مش ناويه تظهرى بقى؟؟

Unknown يقول...

كل واحد مننا ليه غرفته السودا الى حابس نفسه فيها مع ان المفتاح فى ايده و مفيش اسهل من الخروج و لكننا فعلاً عبيد لاوهامنا

بجد جميل يا صديقتى البوست لانه اثار نقطه كلنا بنعانى منها بس كل واحد بطريقته

تحياتى يا صديقتى العزيزه

الأستاذ يقول...

ودائماً تبقى مخاوفنا هي محركنا ودافعنا إلى الهرب إلى المجهول ولا ندري إن كان المجهول هو ملاذنا أم أنه هو نفسه الخوف الذي كنا نحاول الهروب منه؟؟
تحياتي

youssef يقول...

بوست جميل ..
بيعبر فعلا عن حالة بتستولي علي كتير مننا .. و بتسرق منهم اعمار كاملة .. عشان كده اكتر كلمة عجبتني هي عنوان البوست .. لو كشفنا اوهامنا بسرعة و غلبناها بنعيش بجد .. و لو ضاعت اعمارنا في الخوف .. بنعيش اموات .. بلا حياة .. نحيي حياتنا او نعيش اموات

جميل يا نادين .. تحياتي لك و لمدونة جميلة

Ahmed EIssa يقول...

انتي فين ؟؟؟مختفية ليه؟؟
بصي بقي انا ملقتش شات بوكس احط فيه الكلمتين دول..ليكي عندي تاج اتفضلي نوريني خديه وجاوبيه
ممممم
حتي لو ملكيش في القصة بتاعة التاجات دي حتكسفيني يعني؟؟

FemTo يقول...

:)مش عارف حاسس بالكلام ده انه قريب منى

الكلام ده يساوى اكتئاب :)

Nadine Alfred يقول...

احمد عيسى

شكرا ليك على تعليقك
انا سمعت كتير قبل كده عن نظرية الوجدان الجمعى لكن ماكنتش اعرف انها للعالم يونج
شكرا تانى للمعلومةو الاضافة
بتنورنى بزيارتك دايما
---------
بيجاسوس المصرى

معلش يا بيجاسوس
انا بدخل حسب الظروف كده
بس الفترة اللى فاتت ماكنتش عايزة اكتب حاجة غير لما اغير شكل المدونة
مبسوطة قوى انها عجبتك
و ياريت ماتغيبش انت كمان و كتر الزيارات

Nadine Alfred يقول...

وينكى

اخيرا يا ونكوك نورتى البلوج
يا مرحب بيكى دايما

اما بالنسبة للمثل
هو مش دايما "مايجيش احسن منه"ه
بس على الاقل يا نواجه و ننجح، يانحظى بشرف المحاولة

لو فى حاجة قريبة قوليلى و انا هحاول اجى
وحشانى قوى .... و نورتينى
---------
whyme

فعلا
اصلا الخوف طابع انسانى موجود فى الكل
بس بيختلف من فرد للتانى
مش مهم اننا نخاف، ده مش عيب
المهم نواجه فى الآخر

تحياتى ليك يا صديقى :)

Nadine Alfred يقول...

الاستاذ

ولا ندري إن كان المجهول هو ملاذنا أم أنه هو نفسه الخوف الذي كنا نحاول الهروب منه؟؟

إضافة متميزة
و ده بيؤكد ان الهروب احيانا يزيد الأمور سوء

سعدية جدا بزيارتك و بتعليقك اللى فى الجون
اتمنى دوام الزيارة
تحياتى
-----------
يوسف

سبب اختيارى للعنوان هو ان الهارب بيبقى عايش كأنه مش عايش
و لحظة ما بيقرر الشخص انه يبطل هروب و يبقى وجها لوجه مع مخاوفه، ساعتها بس بيكون رجع تانى للحياة

شكرا لك تعليقك و زيارتك
ياريت اشوفك كتير عندى
سلام

Nadine Alfred يقول...

احمد عيسى

انا هنااااااااااا
مش مختفية ولا حاجة
بس اليومين دول امتحانات ميد ترم و الذى منه
فابدخل حسب التساهيل

شكرا ليك عالتاج
اوعدك فى اقرب وقت هاجى استلمه و اجاوبه
و شكرا ليك تانى مرة
---------
femtoo

اعتقد الكلام ده قريب مننا كلنا
لأننا كتير بيعدى علينا اوقات من الخوف
و ده شىء طبيعى

مش اكتئاب ولا حاجة، انا تمام الحمدلله :)
نورتنى يا صديقى

الأستاذ يقول...

أشكرك على إطراءاتك
ولكن إنتي "سعدية" ولا نادين ؟؟
تحياتي

Nadine Alfred يقول...

هههههههههههههههه
يانهار
ولا خدت بالى
هو انا نادين بس احيانا بقلب سعدية و اوقات فتكات
حسب ما تيجى

اسامة يس يقول...

صحيح جدا هذا الامر ..
فنحن في داخلنا الموانع والحواجز متأصلة... تحد وتحذر وتضع العراقيل ... ثم يمر الوقت وقد نكتشف ان الامر وهما واننا كان يجب علينا ان نبادر.. لكن ولات حين مندم

دمت بكل ود..
خالص تحياتي