الثلاثاء، ٥ ديسمبر ٢٠٠٦

فى الهوا

كلام كلام كلام كلام كلام كلام كلام كلام كلام كلام
كلام كلام كلام
كلام كلام كلام كلام كلام كلام كلام
كلام كلام كلام كلام كلام كلام كلام كلام كلام كلام
كلام كلام كلام كلام كلام كلام كلام كلام كلام كلام
كلام كلام كلام كلام كلام كلام كلام كلام كلام كلام
كلام كلام كلام كلام كلام كلام كلام كلام كلام كلام
كلام كلام كلام كلام كلام كلام كلام كلام كلام كلام
كلام كلام كلام كلام كلام كلام كلام كلام كلام كلام
كلام كلام كلام كلام كلام كلام كلام كلام كلام كلام


يا مسهل الكلام
يا مكتره
أسوأ حاجة
إنه يجى فى وقت
يفقد الكلام معانيه
مايبقالوش لزمة
و يبقى مجرد
كلام فى الهوا
لا يودى ولا يجيب
ساعتها الواحد
بيحس إن صوته اتنبح
اندبح
محدش سامع
لأنه أصلا مفيش كلام اتقال
كل اللى اتقال
مجرد
كلام فى الهوا

هناك ١٣ تعليقًا:

Amr Ahmed يقول...

نادين

مسكتك برضو اول واحد عملت كوممينت

ربنا معاكي يارب في الامتحانات

حاولي بقي تركزي في الامتحانات وسيبك من النت شوية

علشان الوقت بيضيع هواء

وربنا معاكي وادعيلي انت كمان


باااااااااااي

karakib يقول...

في واحد محترم قبل ما يموت قال مافيش فايده ...
فعلا مفايش فايده
هاني جورج
انتوك

salateenoo يقول...

"ألا ليتنى أجدُ ألفاظاً لم يَعْرِفْها الناس ، و عباراتٍ وأقوالاً بلغةٍ جديدةٍ لم يُنْقَضْ عهدُها ، فليس فيما تلوكه الألسن أقوالٌ لم تصبحْ تافهةً مملة ، ولم يقلها آباؤنا من قبل !"

عارفة مين اللي قال الكلام ده ؟؟
اللي قاله واحد كاتب فرعوني اسمه : "خعخبر رع سنت " سنة2150 قبل الميلاد... ...تخيللي بقى ان الراجل الطيب ده من حوالي 4000 سنة بيقول انه مش لاقي حاجة يقولها او يكتبها ..متقالتش قبل كدة ... او يكون ليها معنى....عشان كدة معاكي عذرك ...لما متلاقيش كلام ليه فايدة ...

nadine يقول...

عمر
ماشى يا سيدى
واضح إن مش انا بس اللى سايبة المذاكرة و قاعدة عالنت ;)
لو عزت حاجة فى علم النفس قوللى, الواحد خد خبرة من التكرار
هاهاااى)

nadine يقول...

انتوك
بحاول أطلع من دماغى حكاية مفيش فايدة دى
عشان لو صدقتها مش عارفة ممكن اعمل فى نفسى إيه

حتى و انا فى الحالة النفسية السيئة دى بحاول اقول لنفسى انها بكرة هتروق و تحلى

أهو
بتشعبط بالأمل

nadine يقول...

سلاطينو
الكلام مهم
الكلمة فى حد ذاتها نعمة
إنما النقطة فى اللى بيسمع
ممكن اقول الكلام لشخص يحسسنى إنى ولا كأنى فتحت بقى
و ممكن أقول نفس الكلام لشخص تانى و يسمعه بجد

يمكن الغلط يكون منى
ماقلتش الكلام الصح للشخص الصح
مش عارفة؟؟؟

Egyptos يقول...

خللى عندك أمل عشان تعيشى دا أنت بتاع علم النفس برضه؛ عموما أنا بقى معنديش لا نفس و لا روح؛ مجرد جسد بيترنح

أنـــا حـــــــــرة يقول...

مفيش اصعب من الكلام اللى فى الهواء ده
بيوجع اوى لانه هواء

عمرك شوفتى هواء بيقتل
هو ده

nadine يقول...

اجيبتوس

احب اصحح معلومتك
علم النفس اللى درسته خلانى افقد اى امل

أهلا بيك فى بيتنا

____________
انا حرة

عندك حق
فى الحالة دى بيبقى الكلام قاتل
أو بمعنى أصح الهوا قاتل

مبسوطة قوى بزيارتك
متحرميناش منها يا قمر

سلام

Amr Ahmed يقول...

نادين

هاي ازيك

عاملة ايه في الامتحانات

ربنا يوفقك يارب

ويوفق كل اللي بيمتحن


باااااااااي

Utopian يقول...

Hi Nadine...Thanks for visiting my blog

Words...It's treasure
But i like silence more. sometimes it's better than words..and much more meaningful

islamz يقول...

ويا مكتر الكلام اللى فى الهوا .. ناس تتكلم ولا تسكتش وماس تسكت ولا تتكلمش والواحد مش فاهم الرغاى ده عاوز ايه ولا الساكت على طول ده عاوز ايه .. ناس تتكلم عشان عاوزة تتكلم وخلاص وناس تتكلم عشان تلفت النظر وناس تتكلم عشان تقرف ناس وحتى لو الكلام اتقال بفايده .. اهو برده بيطلع ويروح فى الهوا ..

تحياتى على البوست الروعة ده ...

nadine يقول...

يوتوبيا

فعلا فى الوقت الواحد بيحس ان مافيش احسن من الصمت
يمكن حتى الصمت بيكون ابلغ من الكلام

-----------
اسلامز

مفردات اللغة كتير
و ممكن الواحد يقعد يتكلم من هنا لبكرة و يكون لسة فى الكلام بقية
بس بمجرد ما اللى قدامك يقفل بقه
بتكون انت نسيت الموضوع :)