الجمعة، ٢٠ أبريل ٢٠٠٧

إعتذار

أولا بتأسف جداااااااااااا لكل من مر من هنا و لم يجد جديد
و بشكر كل من سأل عنى

معلش بقالى فترة غايبة لظروف الدراسة و الإمتحانات و تقديم المشروعات و الذى منه

كمان
بصراحة يعنى
بقيت كل ما ادخل البلوج يجيلى إكتئاب
يعنى الخلفية المستردة دى و البنى فى البيج بقى شكلهم على بعض مش عاطفى بالمرة
و بقيت حاسة إن البلوج ده عامل زى البيت الصغير اللى ماليان كركبة
بيت زى ده لازم اوضبه قبل ما اقعد فيه

و بقالى فترة بدور على تمبلت مناسبة للمكان
عشان اتعلم اعمل تمبلت بنفسىxml و css و وصل بى الحال انى احمل كتب من على النت عشان اتعلم ال
يعنى الحكاية فتحت فتوحة جامدة مالهاش آخر
خصوصا و انا ابيض يا فل فى التصميم و الكلام ده
يعنى عاملة زى بتوع نحو الأمية
(ياريت يا جدعان اللى عنده معلومتين حلوين كده مايبخلش بيهم علينا)

عموما
إنشاءالله فى القريب العاجل هيتم التجديد و التوضيب
و هرجع اعمل دوشة فى المنطقة
(مش ناسية يا ابراهيم البوست اللى ليك فى ذمتى عن اول مواليد مجموعة مغامير الادبية
و مش ناسية يا بيسو التاج اللى عايز مخمخة و روقان بال)

اه صحيح
سلام مخصوص ليك يا راسبوتين و ليك يا بيشوى
شكرا ليكم عالسؤال
و اشوفكم قريب
سلامى للجميييييييييييييييييييع

هناك ١٠ تعليقات:

أحمد يقول...

فيه مواقع عليهم تصميمات حلوة زى ده

أو

الموقع ده

أو ابحثى فى جوجل عن
blogger template
وهتلاقى تصميمات حلوة كتير جدا

وترجعى بألف سلامة ان شاء الله
:)

SomeOne يقول...

يااااااااااااه

انت لسة عايشة

Reemo يقول...

فى مواقع كتير عليها تصاميم جاهزه واولنها كويسه
ممكن تلجأى لواحد منها علشان متتعبيش نفسك فى تصميم تيمبلت ليكى
ده ممكن يتعبك جدا وخاصه انك بتقولى انك مش ليكى فى التصميم خالص
اختارى تصميم جاهز مبدئيا
من باب التغيير دلوقتى
وبعدين ابقى صممى وعدلى بنفسك
فى مدونه محمد حمدى فى شرح وافى للبلوجر وازاى تعدلى فى الموقع بتاعك
ممكن تتابعيه هو كويس
http://demaghy.blogspot.com/
دى مدونته
ياربت اكون قدرت افيدك بحاجه
قليل من التغيير بيجدد الحياه
تحياتى

micheal يقول...

ألف ألف مليون حمد الله ع السلامه
في انتظار كل ما هو جديد
تحياتي لكي

Nadine Alfred يقول...

مبرمج حر

شكرا ليك جدا على المساعدة
الموقع الأول لقيت فيه حاجات حلوة كتير
فعلا مفيد
مبسوطة جدااااااااا بزيارتك
---------
شادى

ااااااااااه لسه عايشة
شفت بقى؟؟
---------
reemoo

رأيك أقنعنى
و فعلا ده اللى هقوم بيه
و موقع محمد حمدى فعلا مفيد
مش عارفة اشكرك ازاى على مساعدتك
و اكتر من كده على اهتمامك
شكرا يا ريمو
و اتشرفت جدا بزيارتك
---------
micheal

يا هلا يا مايكل
انشاءالله هعود قريب
سلامى ليك

islamz يقول...

الف حمد لله على سلامتك يا ناديين .. وحشتنى مواضيعك والله .. يا رب تكونى بالف خير ..
وطمنيني عليكى بقي :]

Esmeralda يقول...

اول زيارة ليا
ان شاء الله بعد التجديد اجى تانى

غير معرف يقول...

انا قبلت اعتذارك
لاني كنت باعدي كل يوم ومش بالاقي جديد
المهم

النتيجة طلعت والا لا؟

Nadine Alfred يقول...

اسلامز

ازيك؟
انا تمام الحمدالله
هى بس الدراسة و المذاكرة و موسم الإمتحانات
و انت عارف بقى
اييييييييه
هانت
--------
esmeralda

يا اهلا بيكى دايما
شرفتينى بالزيارة
--------
طهقان

طهقان افندى عندنا
يا مرحبا يا مرحبا
ازيك كده؟
و ازى طهقانة و العيال؟؟؟
انا نتيجتى طلعت
و نجححححححححححححححححححت الحمدالله
و كمان تلات مواد امتياز و اتنين جيد جدا

غير معرف يقول...

عايز تموت

ببطء





اتجوز