الجمعة، ٢٣ مارس ٢٠٠٧

إستفتاء

ميعاد الإستفتاء على التعديلات الدستورية هيكون يوم 26/3/07
طب ممكن سؤال؟
هل المفروض اننا نروح الإستفتاء و نرفض التعديلات
ولا نقاطع الإستفتاء من اساسه؟؟؟
ايهم اجدى؟؟؟؟؟

هناك ٢١ تعليقًا:

واحـــد مـــــن الـنـــاس يقول...

طبعا نروح ونقول لا بعلو الصوت
مش كل مرة نقعد في بيتونا ونكرر نفس الغلطة
ونقعد نلطم
ونعيط على الذي مضى

ولازم كل واحد يقول لكل اللي يعرفهم انهم يروحو ويقولو لأ

-_- يقول...

لا طبعا نروح و نقول رأينا سواء موافقين او رافضين

لكن المقاطعة شعار السلبية

islamz يقول...

طبعا نروح ونقول رأينا يا نادين .. هى دى فرصتك عشان تعبري عن حريتك .. صدقينى هتفرق معاكى انك تحسي ان صوتك له قيمه سواء ايوة او لأ ده رأيك وكل واحد حر فيه .. انا شخصيا غير موافق وهقول رايي بكامل ارادتى وحريتى .. لكن المقاطعة دى سلبية وعجز .. مش كده ولا ايه

واحـــد مـــــن الـنـــاس يقول...

اشطة عليكو يا رجالة

VEЯŎ يقول...

lazm nrooooooooooo7

raspoutine يقول...

بصى يا نادو
بما انى من اقرب الاصدقاء ليكى طبعا
كنت عايز اسألك سوأل بس يا ريت يفضل سر ما بينا اوكى
هوا يعنى ايه استفتاء ؟؟
هوا الاستفتاء ده يعنى يوم الجكومة عملاه عشان الناس اللى عنده فتاء يروحو يتعالجو ؟؟
ولا الاستفتاء ده يعنى الحكومة عامله ندر وعازمه الشعب علىلا شوربه ولحمة والناس هتروح تفت فى الشوربه
يا ريت تعرفيلى ايه الاستفتاء ده وتقوليلى
لو الموضوع متعلق بالشوربه واللحمه ابقى قوليلى بأسرع وقت عشان انا اليومين دول بعانى من نقص شديد اوى فى عنصر اللحمه والبهاريز
ويجعلو عامر
وربنا ما يجيب حاجة وحشه

غير معرف يقول...

السلام عليكم

ازيك نادو

رغم انى درست ان الاستفتاء ده نتيجته بتمس هيبة الدولة
وكلامى واضح جدا ومفهوم
الإ إنى لا يمكن اتنازل عن حقي
على الاقل احس انه لي لازمة في البلد دى
مش عايشة عالة على المجتمع
حد بيختارلي ويقررلي

سلاماتي

غير معرف يقول...

سواء روحتم ولا مرحتوش مش هتفرق كتير
اللى عاجبه يقعد فى البلد ده كده يقعد واللى مش عاجبه يمشى
والحل التانى افضل لانى من اصحابه بس امشى ازاى هو ده اللى مجننى ههههههههههههههه

smraa alnil يقول...

بصي هما الاتنين مش فارقين

بس لازم نروح

اي نعم رحنا ولا مش رحنا النتيجة واحدة بس لازم نتلم بهدوء ونقول لالالالالالالالالالالالالالالالالالالالالالالالالالالالالالالالالالالا

Nadine Alfred يقول...

واحد من الناس
sharm
islamz
vero
mesh2dra
samra

كلكوا بتقولوا نروح و نقول رأينا
امال لييييه المعارضة بتدعوا لمقاطعة الإستفتاء؟؟

Nadine Alfred يقول...

السديك raspoutine

هو الظاهر كده والله أعلم
الإستفتاء ده عبارة عن طبخة جديدة
عاملها فريقنا الوطنى
و بقيادة الشيف العالمى محمد حسن مبروك

حاسة إن الأكلة هتبقى ماسخة و مالهاش طعم
إحنا نروح و نشوف اللى هيحصل
و ربك يسهل

Nadine Alfred يقول...

sharm
mesh2dra

شكرا ليكم على الزيارة و التعليق

Nadine Alfred يقول...

انونيمس

كلامك زودلى الإحباط
خربانة خربانة
و حيث إن ناس كتير معندهاش القدرة أنها تسافر
فبيتهيألى إن الإنتحار هيبقى أسهل...أوفر
ولا ايه؟

بس معتقدس إن ده برضه حل
عشان كده لازم ندور على حل تانى

إبراهيم محسن يقول...

كده أو كده التعديلات ستنفذ.. لو تاخدي بالك الحكومة بتأيف بدلة الرئاسة علشان تناسب سي جمال

سلام

karakib يقول...

روحتي أو ما روحتيش سيتم توجيه الشكر لكل من قالوا نعم و بالأخص أما نعيمة لأنها قالت نعمين
مش فارقه أصله
و الله لو روحتوا كلكم و قلتوا لأ

micheal يقول...

أنا شخصيا مش ناوي اروح و كفايه اوي البهدله اللي حتحصل في اليوم ده...هو الواحد مش عرف البهدله بتاعت يوم الاستفتاء علي قانون الرئاسه لان كلاب الامن لن يرحموا أحد حتي و لو كانوا بنات

micheal يقول...

تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب

sarah la tulipe rose يقول...

صباح الفل يا نادين
استفتاء قال
فضيحتنا بجلاجل علي الجزيرة
الله يرحم الجميع

Nadine Alfred يقول...

ابراهيم

ماهو جيمى يشد حيله كده عشان يقعد عالكرسى الملكى من بعد دادى انشاءالله

--------
كراكيب

أذاع الرئيس نبأ هام إمبارح
إنه مبسوط قوى من اما نعيمة
و بيقوللها ربنا يخليكى لمصر
و أذاع انه فى مشروع جديد
لتحويل الشعب إلى أما نعيمة
--------
micheal

عارف
والدى قاللى نفس الكلام
و بالرغم من إنى كنت مستعدة تماما انى اروح و اقول لأ
بس هو منعنى
ماقدرتش الومه بصراحة
كل غلطته انه خايف على ولاده
فى زمن مصر هى امى بتاكل عيالها

Nadine Alfred يقول...

sarah la tulipe rose

صباح النور
فضيحتنا مش فى الجزيرة بس
فى كل حتة
تحياتى

الحصان الأسود يقول...

هههههههههه

أحمد زي الحاج أحمد


تروحي تقولي لأ و لا ماتروحيش........مش فارقة

لأن في النهاية التصويت حايبقى ب نعم و يمكن سواء مارحتيش او رحتي قلتي لأ برضة صوتك بيقول نعم في صندوق الاست
فتااااااااااء

تحياتـــــــــــــــــــي