ميعاد الإستفتاء على التعديلات الدستورية هيكون يوم 26/3/07
طب ممكن سؤال؟
هل المفروض اننا نروح الإستفتاء و نرفض التعديلات
ولا نقاطع الإستفتاء من اساسه؟؟؟
ايهم اجدى؟؟؟؟؟
طب ممكن سؤال؟
هل المفروض اننا نروح الإستفتاء و نرفض التعديلات
ولا نقاطع الإستفتاء من اساسه؟؟؟
ايهم اجدى؟؟؟؟؟
هناك ٢١ تعليقًا:
طبعا نروح ونقول لا بعلو الصوت
مش كل مرة نقعد في بيتونا ونكرر نفس الغلطة
ونقعد نلطم
ونعيط على الذي مضى
ولازم كل واحد يقول لكل اللي يعرفهم انهم يروحو ويقولو لأ
لا طبعا نروح و نقول رأينا سواء موافقين او رافضين
لكن المقاطعة شعار السلبية
طبعا نروح ونقول رأينا يا نادين .. هى دى فرصتك عشان تعبري عن حريتك .. صدقينى هتفرق معاكى انك تحسي ان صوتك له قيمه سواء ايوة او لأ ده رأيك وكل واحد حر فيه .. انا شخصيا غير موافق وهقول رايي بكامل ارادتى وحريتى .. لكن المقاطعة دى سلبية وعجز .. مش كده ولا ايه
اشطة عليكو يا رجالة
lazm nrooooooooooo7
بصى يا نادو
بما انى من اقرب الاصدقاء ليكى طبعا
كنت عايز اسألك سوأل بس يا ريت يفضل سر ما بينا اوكى
هوا يعنى ايه استفتاء ؟؟
هوا الاستفتاء ده يعنى يوم الجكومة عملاه عشان الناس اللى عنده فتاء يروحو يتعالجو ؟؟
ولا الاستفتاء ده يعنى الحكومة عامله ندر وعازمه الشعب علىلا شوربه ولحمة والناس هتروح تفت فى الشوربه
يا ريت تعرفيلى ايه الاستفتاء ده وتقوليلى
لو الموضوع متعلق بالشوربه واللحمه ابقى قوليلى بأسرع وقت عشان انا اليومين دول بعانى من نقص شديد اوى فى عنصر اللحمه والبهاريز
ويجعلو عامر
وربنا ما يجيب حاجة وحشه
السلام عليكم
ازيك نادو
رغم انى درست ان الاستفتاء ده نتيجته بتمس هيبة الدولة
وكلامى واضح جدا ومفهوم
الإ إنى لا يمكن اتنازل عن حقي
على الاقل احس انه لي لازمة في البلد دى
مش عايشة عالة على المجتمع
حد بيختارلي ويقررلي
سلاماتي
سواء روحتم ولا مرحتوش مش هتفرق كتير
اللى عاجبه يقعد فى البلد ده كده يقعد واللى مش عاجبه يمشى
والحل التانى افضل لانى من اصحابه بس امشى ازاى هو ده اللى مجننى ههههههههههههههه
بصي هما الاتنين مش فارقين
بس لازم نروح
اي نعم رحنا ولا مش رحنا النتيجة واحدة بس لازم نتلم بهدوء ونقول لالالالالالالالالالالالالالالالالالالالالالالالالالالالالالالالالالالا
واحد من الناس
sharm
islamz
vero
mesh2dra
samra
كلكوا بتقولوا نروح و نقول رأينا
امال لييييه المعارضة بتدعوا لمقاطعة الإستفتاء؟؟
السديك raspoutine
هو الظاهر كده والله أعلم
الإستفتاء ده عبارة عن طبخة جديدة
عاملها فريقنا الوطنى
و بقيادة الشيف العالمى محمد حسن مبروك
حاسة إن الأكلة هتبقى ماسخة و مالهاش طعم
إحنا نروح و نشوف اللى هيحصل
و ربك يسهل
sharm
mesh2dra
شكرا ليكم على الزيارة و التعليق
انونيمس
كلامك زودلى الإحباط
خربانة خربانة
و حيث إن ناس كتير معندهاش القدرة أنها تسافر
فبيتهيألى إن الإنتحار هيبقى أسهل...أوفر
ولا ايه؟
بس معتقدس إن ده برضه حل
عشان كده لازم ندور على حل تانى
كده أو كده التعديلات ستنفذ.. لو تاخدي بالك الحكومة بتأيف بدلة الرئاسة علشان تناسب سي جمال
سلام
روحتي أو ما روحتيش سيتم توجيه الشكر لكل من قالوا نعم و بالأخص أما نعيمة لأنها قالت نعمين
مش فارقه أصله
و الله لو روحتوا كلكم و قلتوا لأ
أنا شخصيا مش ناوي اروح و كفايه اوي البهدله اللي حتحصل في اليوم ده...هو الواحد مش عرف البهدله بتاعت يوم الاستفتاء علي قانون الرئاسه لان كلاب الامن لن يرحموا أحد حتي و لو كانوا بنات
تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب
صباح الفل يا نادين
استفتاء قال
فضيحتنا بجلاجل علي الجزيرة
الله يرحم الجميع
ابراهيم
ماهو جيمى يشد حيله كده عشان يقعد عالكرسى الملكى من بعد دادى انشاءالله
--------
كراكيب
أذاع الرئيس نبأ هام إمبارح
إنه مبسوط قوى من اما نعيمة
و بيقوللها ربنا يخليكى لمصر
و أذاع انه فى مشروع جديد
لتحويل الشعب إلى أما نعيمة
--------
micheal
عارف
والدى قاللى نفس الكلام
و بالرغم من إنى كنت مستعدة تماما انى اروح و اقول لأ
بس هو منعنى
ماقدرتش الومه بصراحة
كل غلطته انه خايف على ولاده
فى زمن مصر هى امى بتاكل عيالها
sarah la tulipe rose
صباح النور
فضيحتنا مش فى الجزيرة بس
فى كل حتة
تحياتى
هههههههههه
أحمد زي الحاج أحمد
تروحي تقولي لأ و لا ماتروحيش........مش فارقة
لأن في النهاية التصويت حايبقى ب نعم و يمكن سواء مارحتيش او رحتي قلتي لأ برضة صوتك بيقول نعم في صندوق الاست
فتااااااااااء
تحياتـــــــــــــــــــي
إرسال تعليق